Пятро Васільевіч Мятла
| Пятро Васільевіч Мятла | |
| Імя пры нараджэнні: |
Памылка Lua у mw.wikibase.entity.lua на радку 88: data.schemaVersion must be a number, got nil instead. |
|---|---|
| Род дзейнасці: |
грамадска-палітычны дзеяч |
| Дата нараджэння: | |
| Месца нараджэння: | |
| Дата смерці: | |
| Сайт: |
Памылка Lua у mw.wikibase.entity.lua на радку 88: data.schemaVersion must be a number, got nil instead. |
Пятро Васільевіч МЯТЛА (1890, в. Кухцінцы Дзісенскага павета Віленскай губерні — 12 жніўня 1936) — беларускі грамадска-палітычны дзеяч Заходняй Беларусі. Член Камуністычнай партыі Заходняй Беларусі з 1926.
Біяграфія[правіць | правіць зыходнік]
У 1906—1910 вучыўся ў Дзісенскім гарадскім вучылішчы, у 1911—1912 на педагагічных курсах у Коўне. Працаваў настаўнікам. У 1914—1917 у арміі. Знаходзіўся сярод юнкераў Аляксееўскага ваеннага вучылішча, якія «выступілі супраць рэвалюцыі і паўстаўшага пралетарыяту». Быў арыштаваны і зняволены ў турму. З канца 1917 да 1921 настаўнічаў. З 1921 у Вільні.
У 1921—1922 працаваў бухгалтарам, загадчыкам аддзела Віленскага саюза кааперацыі. Удзельнічаў у стварэнні нацыянальна-вызваленчых суполак і арганізацый, беларускіх школ у Заходняй Беларусі. У 1922 г. быў выбраны дэпутатам польскага сейма ад беларускай нацыянальнай меншасці. Быў членам Беларускага пасольскага клуба.
Адзiн са стваральнiкаў Беларускай сялянска-работніцкай грамады (БСРГ), член яе ЦК. Пасля яе разгрому 16 студзеня 1927 арыштаваны i прыгавораны польскiмi ўладамi да 12 гадоў турмы. У вынiку абмену палiтвязнямi з 1930 апынуўся ў Мінску. Працаваў у Камiсii па вывучэннi Заходняй Беларусi пры Прэзідыуме Беларускай акадэміі навук (яе старшыня 1932—1933), у ВСНГ БССР намеснікам начальніка планавання, начальнікам сектара кадраў.
1 верасня 1933 арыштаваны ДПУ БССР па справе Беларускага нацыянальнага цэнтра. Пастановай калегii АДПУ СССР ад 9 студзеня 1934 прыгавораны да вышэйшай меры пакарання, якая заменена 10 гадамi ППЛ. Зняволенне адбываў на будаўнiцтве Беламорска-Балтыйскага канала. Памёр у лагеры. Рэабiлiтаваны 16 жніўня 1956 КДБ пры Савеце Мiнiстраў БССР.
У Сеціве[правіць | правіць зыходнік]
Зноскі
Літаратура[правіць | правіць зыходнік]
- Адамушка, У. Мятла Петр Васільевіч / Уладзімір Адамушка // Энцыклапедыя гісторыі Беларусі. У 6 т. Т. 1: А — Беліца / Беларус. Энцыкл.; Рэдкал.: М. В. Біч і інш.; Прадм. М. Ткачова; Маст. Э. Э. Жакевіч. — Мн.: БелЭн, 1993. — 494 с., [8] к.: іл. ISBN 5-85700-074-2. — С. 251.
