Пячорныя цэрквы (Іванава)

Славутасць
Пячорныя цэрквы
балг.: Ивановски скални църкви
43°43′ пн. ш. 25°58′ у. д.
Краіна	Балгарыя
Месцазнаходжанне	Русенская вобласць
Аб’ект Сусветнай спадчыны
Rock-Hewn Churches of Ivanovo
Спасылка	№ 45 у спісе аб’ектаў Сусветнай спадчыны (en)
Тып	Культурны
Крытэрыі	vii, viii, ix
Рэгіён	Еўропа і Паўночная Амерыка
Уключэнне	1979  (3-я сесія)
Медыяфайлы на Вікісховішчы

Пячорныя цэрквы ў Іванаве (балг.: Ивановски скални църкви, Ивановски манастир) — аб’ект са спіса Сусветнай спадчыны ЮНЕСКА ў Балгарыі. Іванаўскі скальны манастыр Св. Архангела Міхаіла размешчаны ў 21 км на поўдзень ад горада Русе, у 4 км ад вёскі Іванава. Гэта група маленькіх цэркваў, капліц, хадоў, пячор і келляў, высечаных у скалах на вышыні 32 м над маляўнічым каньёнам ракі Русенскі Лом.

Фрэскі цэркваў, датаваныя 13-14 стст., выкананы ўнікальнымі па саставу фарбамі ў стылі драматычнага рэалізму. Асабліва добра захаваліся Капліца Гасподзеў Дол і Унутраная царква.

У перыяд росквіту манастыра колькасць цэркваў і капліц дасягала 40, манаскіх келляў было каля 300. Так званая Схаваная Царква, як мяркуюць, была заснавана царом Іванам Аляксандрам (1331—1371). Адным з царкоўных дарыльшчыкаў быў цар Іван Асень II, які любіў наведваць гэтае месца і праводзіць тут час. Пра гэта сведчыць знойдзены ў царкве партрэт цара з дакладнай копіяй храма.

У капліцы Гасподзеў Дол на сценах келляў знойдзены выразаныя тэксты. У адным з іх гаворыцца, што цар Іван Тэртэр (1279—1292) правёў канец жыцця ў манастыры і быў у ім пахаваны.

Літаратура

• Тысяча чудес света. — СПб: ООО «СЗКЭО», 2007. — 336 с.