Пятро Васілевіч Мятла

Пятро Васілевіч Мятла
Дата нараджэння	1890
Месца нараджэння	Кухцінцы[d], Дзісенскі павет, Віленская губерня, Расійская імперыя
Дата смерці	12 жніўня 1936(1936-08-12)
Месца смерці	Беламорска-Балтыйскі канал, Карэлія, РСФСР, СССР
Грамадзянства	Расійская імперыя  Польская Рэспубліка Беларуская ССР
Адукацыя	Дзісенскае гарадское вучылішча[d]
Партыя	Беларуская сялянска-работніцкая грамада Камуністычная партыя Заходняй Беларусі
Член у	Таварыства беларускай школы Беларускі пасольскі клуб
Род дзейнасці	палітык
Месца працы	Камісія па вывучэнні Заходняй Беларусі
Медыяфайлы на Вікісховішчы

Пятро Васілевіч Мятла (1890, Кухцінцы Дзісенскага павета Віленскай губерні, зліліся з Завуццем — 12 жніўня 1936) — беларускі грамадска-палітычны дзеяч Заходняй Беларусі. Член Камуністычнай партыі Заходняй Беларусі (з 1926).

Біяграфія

Пятро Мятла, да 1928 года.

У 1906—1910 гадах вучыўся ў Дзісенскім гарадскім вучылішчы, у 1911—1912 — на педагагічных курсах у Коўне. Працаваў настаўнікам пачатковага вучылішча ў Рэтаве. Падчас Першай сусветнай вайны, у 1914—1917 гадах у арміі. Станам на красавік 1915 года, старшы пісар 320-га палявога рухомага шпіталя, дастаўлены з сустаўным рэўматызмам і анеміяй у шпіталь у Дзягілеве Разанскага павету. Пазней пры невядомых акалічнасцях аказаўся сярод юнкераў Аляксееўскага ваеннага вучылішча, якія «выступілі супраць рэвалюцыі і паўстаўлага пралетарыяту». Арыштаваны і зняволены ў турму. З канца 1917 да 1921 года настаўнічаў. З 1921 года ў Вільні.

У 1921—1922 гадах працаваў бухгалтарам, загадчыкам аддзела Віленскага саюза кааперацыі. Удзельнічаў у стварэнні нацыянальна-вызваленчых суполак і арганізацый, беларускіх школ у Заходняй Беларусі. У 1922 годзе выбраны дэпутатам Сейма Польскай Рэспублікі ад беларускай нацыянальнай меншасці. Быў членам Беларускага пасольскага клуба.

Дэпутаты Сейма ад Беларускай сялянска-работніцкай грамады Пятро Мятла, Павел Валошын, Браніслаў Тарашкевіч, Сымон Рак-Міхайлоўскі і Фелікс Галавач, арыштаваныя ў студзені 1927 года польскімі ўладамі.

Адзін са стваральнікаў Беларускай сялянска-работніцкай грамады (БСРГ), член яе ЦК. Пасля разгрому БСРГ 16 студзеня 1927 года арыштаваны і прыгавораны да 12 гадоў турмы. У 1930 годзе вызвалены з турмы і ў кастрычніку 1930 года пакінуў Польскую Рэспубліку, нелегальна перайшоў мяжу з СССР. Працаваў у Камісіі па вывучэнні Заходняй Беларусі пры Прэзідыуме Беларускай акадэміі навук (яе старшыня ў 1932—1933), у ВСНГ БССР намеснікам начальніка планавання, начальнікам сектара кадраў.

Арыштаваны ДПУ БССР 1 верасня 1933 года па справе Беларускага нацыянальнага цэнтра. Пастановай калегіі АДПУ СССР ад 9 студзеня 1934 года прыгавораны да вышэйшай меры пакарання, якая заменена 10 гадамі ППЛ. Зняволенне адбываў на будаўніцтве Беламорска-Балтыйскага канала. Памёр у лагеры.

Рэабілітаваны 16 жніўня 1956 года Ваенным трыбуналам Беларускай ваеннай акругі.

Літаратура

• Адамушка, У. Мятла Пётр Васільевіч // Энцыклапедыя гісторыі Беларусі. У 6 т. Т. 1: А — Беліца / Рэдкал.: М. В. Біч і інш.; Прадм. М. Ткачова; Маст. Э. Э. Жакевіч. — Мн. : БелЭн, 1993. — С. 251. — 20 000 экз. — ISBN 5-85700-074-2.
• Мятла Пётр Васілевіч // Беларусь: энцыклапедычны даведнік / Рэдкал. Б. І. Сачанка (гал. рэд.) і інш.; Маст. М. В. Драко, А. М. Хількевіч. — Мн.: БелЭн, 1995. — С. 508. — 800 с. — 5 000 экз. — ISBN 985-11-0026-9.