Раман Уладзіміравіч Крывулькін

З Вікіпедыі, свабоднай энцыклапедыі
(Пасля перасылкі з Раман Крывулькін)
Футбол
Раман Крывулькін
Поўнае імя Раман Уладзіміравіч Крывулькін
Нарадзіўся 18 лютага 1996(1996-02-18)[1] (28 гадоў)
Грамадзянства  Беларусь
 Расія
Рост 170 см
Вага 66 кг
Пазіцыя абаронца
Маладзёжныя клубы
2008—2015 Расія СДЮШАР Зеніт (Санкт-Пецярбург)
Клубная кар’ера[* 1]
2015—2016 Расія ЦСКА (Масква) 0 (0)
2017 Беларусь Крумкачы (Мінск) 9 (0)
2017—2019 Беларусь Тарпеда (Мінск) 37 (1)
2019—2020 Беларусь Слуцк 30 (1)
2021—2022 Расія Ленінградзец 16 (2)
  1. ↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў.

Раман Крывулькін (нар. 18 лютага 1996, Лісуны, Аршанскі раён) — расійскі і беларускі футбаліст, абаронца.

Клубная кар’ера[правіць | правіць зыходнік]

Нарадзіўся ў вёсцы Лісуны каля Оршы ў Беларусі, але ва ўзросце 6 гадоў з сям’ёй пераехаў у Санкт-Пецярбург. У Санкт-Пецярбургу пачаў займацца футболам, пазней далучыўся да СДЮШАР «Зеніт», выступаў у першынстве горада[2]. У 2015 годзе перайшоў у маскоўскі ЦСКА, дзе стаў выступаць за моладзевую каманду. Часам прыцягваўся да трэніровак з асновай ЦСКА, але так і не згуляў за асноўны склад у афіцыйных матчах.

У лютым 2017 года накіраваўся на прагляд ў беларускі клуб «Крумкачы», з якім у сакавіку падпісаў кантракт[3]. 2 красавіка 2017 года дэбютаваў у Вышэйшай лізе, выйшаўшы на замену ў канцы матча супраць «Віцебска» (1:0). Пазней здолеў замацавацца ў стартавым складзе каманды.

У ліпені 2017 года па пагадненні бакоў пакінуў «Крумкачы»[4] і неўзабаве стаў іграком мінскага «Тарпеда»[5]. У складзе «Тарпеда» замацаваўся ў аснове. У лістападзе 2017 года падоўжыў кантракт з тарпедаўцамі на два гады[6]. Пачатак сезона 2018 прапусціў з-за траўмы, а з чэрвеня стаў трывала з’яўляцца ў стартавым складзе. У маі 201 года не гуляў з-за траўмы, пасля вярнуўся ў склад.

У ліпені 2019 года пакінуў «Тарпеда»[7] і неўзабаве далучыўся да «Слуцка»[8], дзе стаў асноўным абаронцам. У снежні 2019 года падоўжыў кантракт са слуцкім клубам[9]. У сезоне 2020 заставаўся іграком асновы, са жніўня па кастрычнік адсутнічаў з-за траўмы, пазней вярнуўся ў склад. У снежні 2020 года пакінуў «Слуцк»[10].

У студзені 2021 года стаў іграком клуба «Ленінградзец» з трэцяга расійскага дывізіёна[11]. Пакінуў клуб па заканчэнні сезона 2021/22, пасля выступаў у аматарскім турнірах у Санкт-Пецярбургу.

Міжнародная кар’ера[правіць | правіць зыходнік]

У 2014 годзе выступаў за зборную Санкт-Пецярбурга на міжнародных моладзевых турнірах — мемарыяле Гранаткіна і Кубку Садружнасці, быў прызнаны найлепшым абаронцам абодвух турніраў.

У сакавіку 2017 года атрымаў выклік у моладзевую зборную Беларусі[12], аднак у афіцыйных матчах так і не згуляў за яе.

Крыніцы[правіць | правіць зыходнік]

  1. ↑ Roman Krivulkin // Transfermarkt — 2000. Праверана 9 кастрычніка 2017.
  2. ↑ «Наверное, нужно быть тупым, чтобы не понять требований Гончаренко». Белорус из ЦСКА, приехавший на просмотр в «Крумкачы (руск.). by.tribuna.com (17 лютага 2017). Праверана 26 красавіка 2024.
  3. ↑ Роман Кривулькин подписал контракт с "Крумкачами" (руск.). football.by (3 сакавіка 2017). Праверана 26 красавіка 2024.
  4. ↑ "Крумкачы" расстались с Корсаком и Кривулькиным (руск.). football.by (20 ліпеня 2017). Праверана 26 красавіка 2024.
  5. ↑ Роман Кривулькин стал игроком минского "Торпедо" (руск.). football.by (21 ліпеня 2017). Праверана 26 красавіка 2024.
  6. ↑ Роман Кривулькин продлил контракт с минским "Торпедо" (руск.). football.by (17 лістапада 2017). Праверана 26 красавіка 2024.
  7. ↑ Кривулькин и Батищев покинули минское "Торпедо" (руск.)(недаступная спасылка). football.by (10 ліпеня 2019). Архівавана з першакрыніцы 16 студзеня 2024. Праверана 16 студзеня 2024.
  8. ↑ Кривулькин и Губанов перешли в "Слуцк" (руск.). football.by (18 ліпеня 2019). Праверана 26 красавіка 2024.
  9. ↑ Кривулькин продлил контракт со "Слуцком", Дудик вернулся в донецкий "Шахтер" по окончании срока аренды (руск.). football.by (18 снежня 2019). Праверана 26 красавіка 2024.
  10. ↑ "Слуцк" расторг контракт с десятью футболистами (руск.). football.by (21 снежня 2020). Праверана 26 красавіка 2024.
  11. ↑ Александрович и Кривулькин трудоустроились в российский Д3 (руск.). football.by (11 студзеня 2021). Праверана 26 красавіка 2024.
  12. ↑ Румбутис назвал фамилии игроков, вызванных в молодежную сборную (руск.). football.by (13 сакавіка 2017). Праверана 26 красавіка 2024.
Узята з "https://be.wikipedia.org/w/index.php?title=Раман_Уладзіміравіч_Крывулькін&oldid=4719089"