Раміра II Манах

З пляцоўкі Вікіпедыя
Jump to navigation Jump to search
Раміра II Манах
ісп.: Ramiro II el Monje
Раміра II Манах
Філіпа Арыёста. Партрэт Раміра II. Прада
5-ы кароль Арагона
1134 — 1137
Папярэднік: Альфонса I
Пераемнік: Петраніла
 
Дзейнасць: манах, кіраўнік
Веравызнанне: хрысціянства
Нараджэнне: 24 красавіка 1086(1086-04-24)
Смерць: 16 жніўня 1157 (71 год)
Пахаванне:
Дынастыя: Арагонская дынастыя[d] і Дынастыя Хіменес
Бацька: Санча I[d]
Маці: Фелісія дэ Русі[d]
Жонка: Агнеса Аквітанская[d]
Дзеці: Петраніла Арагонская

Раміра II Манах (ісп.: Ramiro II el Monje; 1075 — 16 жніўня 1157) — кароль Арагона (1134—1137), сын караля Санча I і Феліцыі.

Біяграфія[правіць | правіць зыходнік]

Раннія гады[правіць | правіць зыходнік]

У маладым узросце Раміра вырашыў стаць святаром. Ён сышоў у кляштар і спачатку быў манахам у Сан-Понсэ-дэ-Тамерас(ісп.) бел., затым абатам у кляштары Сан-Педра ў Старой Уэсцы і, пазней, стаў біскупам Рода-Барбастра.

Яго брат Альфонса I перад смерцю завяшчаў свае ўладанні рыцарскім ордэнам іаанітаў і тампліераў, але ні наварская, ні арагонская эліты не спяшаліся выконваць гэта распараджэнне. У Навары каралём абралі Гарсію Рамірэса, а ў Арагоне на з'ездзе ў Хацы абралі каралём Раміра. Папярэдне атрымаўшы дазвол Папы Рымскага, Раміра ўзыйшоў на прастол.

Кіраванне[правіць | правіць зыходнік]

Хасэ Касада дэль Алісал. Звон Уэскі. Прада

Раміра кіраваў каралеўствам Арагон, графствамі Сабрарбэ і Рыбагорса. Напачатку свайго кіравання Раміра прыйшлося змагацца з апазіцыяй з боку арагонскага дваранства.

Даведаўшыся пра падрыхтоўку дваранскага паўстання, Раміра адправіў пасланца да абата кляштара Сент-Понс дэ Там'ерс, свайго былога начальніка. Пасланец прыбыў у той час, калі абат быў заняты абразаннем руж, якія вышынёй перавышалі сярэднюю лінію. Абат параіў каралю рабіць тое ж самае.

Неўзабаве пасля гэтага Раміра II выклікаў самых знатных дваран ва Уэску пад падставай паказаць ім звон, які будзе пачуты ва ўсім каралеўстве, і загадаў абезгаловіць 12 меркаваных правадыроў змовы. Астатнія, спужаўшыся, адмовіліся ад сваіх планаў паўстаць супраць караля.

Пасля няўдалай спробы ўсынавіць Гарсію Рамірэса, Раміра з дазволу Папы ажаніўся з удавой Агнэсай Аквітанскай (Агнэсай дэ Пуацье). Пасля таго як у іх нарадзілася дачка, у 1137 годзе Раміра адрокся ад прастола, дамовіўся пра яе шлюб з барселонскім графам Рамонам Берэнгерам IV, які стаў рэгентам каралеўства, а сам развёўся з жонкай і вярнуўся ў кляштар Сан-Педра. Там ён і памёр 16 жніўня 1157 года.

Зноскі

Літаратура[правіць | правіць зыходнік]