Рахіль Львоўна Блюман

Рахіль Львоўна Блюман
Дата нараджэння	1888
Месца нараджэння	Магілёў, Магілёўская губерня, Расійская імперыя
Дата смерці	1978
Месца смерці	Масква, РСФСР, СССР
Альма-матар	Санкт-Пецярбургская дзяржаўная кансерваторыя імя М. А. Рымскага-Корсакава
Музычная дзейнасць
Прафесіі	музыкант
Узнагароды

Рахіль Львоўна Блюман (руск.: Рахиль Львовна Блюман; 1888, Магілёў — 1978, Масква) — савецкі музычны педагог, піяністка, грамадскі дзеяч.

Біяграфія

Нарадзілася ў музычнай сям’і. У 1917 годзе скончыла Пецярбургскую кансерваторыю па спецыяльнасці «фартэпіяна».

У 1919 годзе арганізавала музычную школу ў Магілёве, была кіраўніком пазашкольнай адукацыі пры Нарадукацыі, прымала актыўны ўдзел у арганізацыі Магілёўскага аддзела Саюза работнікаў мастацтваў. У пачатку 1920-х пераехала ў Маскву, дзе ў 1929 годзе ўзначаліла Акадэмічнае музыкальнае вучылішча пры Маскоўскай Дзяржаўнай кансерваторыіі імя Чайкоўскага і больш за трыццаць гадоў была яго кіраўніком (да 1959 года).

Адначасова з працай у вучылішчы Блюман некаторы час з’яўлялася дэканам вакальнага факультэта Маскоўскай кансерваторыі, паўгода выконвала абавязкі намесніка дырэктара кансерваторыі і каля года была намеснікам старшыні Саюза савецкіх кампазітараў.