210-ы авіяцыйны палігон
210-ы авіяцы́йны паліго́н, Ружа́нскі паліго́н — палігон ВПС і войскаў СПА ў Ружанскай пушчы. Займае плошчу болей за 7,5 тысяч га на тэрыторыі Пружанскага, Івацэвіцкага і Бярозаўскага раёнаў Берэсцкай вобласці. На поўначы абмежаваны вёскамі Ласасін і Шчытна Пружанскага, на поўдні — Міхалкамі Бярозаўскага раёна.
Гісторыя[правіць | правіць зыходнік]
Палігон створаны 1 студзеня 1946 года як 40-ы акруговы авіяцыйны палігон першай катэгорыі. 30 снежня 1956 года перайменаваны ў 75-ы акруговы авіяцыйны палігон другой катэгорыі. 13 лютага 1974 расфарміраваны, асабовы склад і матэрыяльная частка выкарыстаныя для фарміравання 536-га навучальнага авіяцыйнага цэнтру ў складзе 26-й паветранай арміі Беларускай ваеннай акругі. У 1989 цэнтр перафарміраваны ў 210-ы авіяцыйны палігон першай катэгорыі, у лістападзе таго ж года ўзнагароджаны Ганаровай граматай галоўнакамандуючага ВПС СССР і занесены ў Кнігу пашаны ВПС.
Падзеі[правіць | правіць зыходнік]
1 верасня 1981 года пры падрыхтоўцы да вучэнняў «Захад-81» загінуў капітан Уладзімір Карамзін, камандзір звяна.
11 красавіка 1991 года, знаходзячыся на вучэннях, у Ружанскай пушчы загінуў падпалкоўнік Мікалай Казакоў, камандзір 1-й эскадрыллі 206-га асобнага штурмавога авіяпалка 26-й паветранай арміі БВА.
Сучаснасць[правіць | правіць зыходнік]
Прызначаны для баявога прымянення авіяцыйных сродкаў паражэння, тактычнай вывучкі падраздзяленняў войскаў супрацьпаветранай абароны[1]. Прымае армейскія вучэнні, у тым ліку з удзелам расійскіх войскаў[2].
Пры палігоне створаны ваенны гарадок.
Зноскі
- ↑ Марына Ахрамовіч. Тут служаць сапраўдныя мужчыны. Актуальна. «Раённыя будні» (19 лютага 2010). Праверана 30 красавіка 2012.
- ↑ Расійская ваеншчына прыходзіць у Беларусь па просьбе Лукашэнкі. Палітыка. Хартыя-97 (7 верасня 2009). Праверана 30 красавіка 2012.