Рыба і чыпсы
| Рыба і чыпсы | |
|---|---|
 | |
| Уваходзіць у нацыянальныя кухні | |
|
Англійская кухня Ірландская кухня Нарвежская кухня амерыканская кухня[d] Canadian cuisine[d] аўстралійская кухня[d] New Zealand cuisine[d] South African cuisine[d] і Індыйская кухня |
|
| Краіна паходжання | |
| Кампаненты | |
| Асноўныя | |
 Медыяфайлы на Вікісховішчы | |
.jpg)
Рыбы і чыпсы (англ.: Fish and Chips, Fish&Chips, Fish `n` Chips) — страва з рыбы, абсмажанай у фрыцюры, і нарэзанай буйнымі лустачкамі бульбы фры. Гэта страва лічыцца неафіцыйнай нацыянальнай англійскай стравай і з’яўляецца неад’емным складнікам англійскай кухні.
Прыгатаванне
[правіць | правіць зыходнік]Рыба
[правіць | правіць зыходнік]Першае месца сярод рыбы, якая выкарыстоўваецца для дадзенай стравы, традыцыйна займае траска, але падыходзяць і іншыя гатункі рыбы з белым мясам: пікша, мерлан, сайда, камбала. У закусачнай «Fish & Chips» наведвальнікам заўсёды прапануецца рыба на любы густ. Важная ўмова, каб рыба была свежай.
Для прыгатавання цеста выкарыстоўваецца мука, пякарскі парашок і цёмны англійскі эль. Усе кампаненты змешваюцца да кансістэнцыі густога бліновага цеста. Філе рыбы наразаецца кавалачкамі таўшчынёй 2-3 см, пасыпаецца кукурузным крухмалам і акунаецца ў цеста. Затым кавалкі рыбы абсмажваюцца ў кіпячым раслінным алеі пры тэмпературы 190 °, пакуль яны не набудуць залаціста-карычневае адценне. Унутры кавалачкі рыбы павінны заставацца сакавітымі.
Чыпсы
[правіць | правіць зыходнік]Ачышчаная бульба наразаецца кавалкамі 1,5х8 см. Перад прыгатаваннем нарэзаныя кавалкі бульбы на некаторы час кладуць у халодную ваду, каб выдаліць залішні крухмал. Затым прасушаную бульбу размяркоўваюць у адзін пласт на сіце і апускаюць у гарачы тлушч або алей. Ідэальная тэмпература прыгатавання складае 185 °. Чыпсы гатовыя праз 4-6 хвілін, калі яны набываюць залаціста-жоўтае адценне і маюць падрумяненую, мяккую корачку. Пры хатнім прыгатаванні бульбу заварочваюць у паперу, каб знізіць ўтрыманне тлушчу, а затым яшчэ раз апускаюць у фрыцюр на 2-3 хвіліны.
Гарнір
[правіць | правіць зыходнік]Гарнір да рыбы з чыпсамі — гарохавае пюрэ, марынаваная цыбуля, марынаваныя агуркі або тушаная ў таматным соўсе фасоля. Дадатак да гэтай стравы — гарбата.
Зноскі
Літаратура
[правіць | правіць зыходнік]- John K. Walton: Fish and Chips and the British Working Class. Leicester University Press, Leicester 1992, ISBN 0-7185-1327-4.
- Mark Petrou: Fish and chips. A national treasure. Celebrating 150 years of Britain’s favourite dish. Gardners Books, 2010, ISBN 978-0956609502
