Р-327 «Кветка»

Р-327 «Кветка»
Тып:	станцыя перашкод
Краіна:	Беларусь
Гісторыя службы
Гады эксплуатацыі:	са снежня 2022
Выкарыстоўвалася:	Беларусь
Гісторыя вытворчасці
Вытворца:	Канструктарскае бюро «Радар»

Р-327 «Кветка» — беларуская станцыя перашкод КВ (НF) і комплекс радыёэлектроннай барацьбы, распрацаваны КБ «Радар»^[1].

Апісанне[правіць | правіць зыходнік]

Р-327 «Кветка» створана на шасі грузавіка МАЗ^[2].

Станцыя прызначана для выяўлення, пеленгавання, месцавызначэння і радыёпадаўлення наземных і авіяцыйных ліній радыёсувязі КВ (HF) дыяпазону, якія працуюць на фіксаваных частотах і ў рэжыме праграмнай перабудовы працоўнай частаты (ППРЧ), пры павярхоўным прасторавым выпраменьванні перашкодавага сігналу. Здольна адначасова на фіксаваных частотах душыць да 4 ліній сувязі, у рэжыме ППРЧ — 1. Станцыя дазваляе душыць сістэмы спадарожнікавай навігацыі GPS, ГЛОНАСС, BeiDou, Galileo^[3].

Сістэма здольная праводзіць радыёманіторынг і радыёпадаўленне аналагавых і лічбавых крыніц радыё-выпраменьвання ў УКХ-дыяпазоне ад паўтары да 30 МГц^[4].

Комплекс значна скараціўся ў параўнанні з папярэднімі аналагамі. Калі раней было неабходна тры машыны, у «Кветцы» разлік, які складаецца з шасці чалавек (2 кіроўцы, два аператары, начальнік станцыі і камандзір аддзялення^[1]), змяшчаецца ў двух. Станцыя цалкам электронная. Значна палепшана эрганоміка працоўных месцаў баявых разлікаў^[4].

У пачатку 2023 года комплекс прыняты на ўзбраенне ў беларускай арміі, галоўным чынам прыкрываючы памежныя ўчасткі^[1]^[4]. Першая перадача комплексаў у войскі адбылася яшчэ ў снежні 2022 года^[2].