Сансарол

З пляцоўкі Вікіпедыя
Jump to navigation Jump to search

Сансарол
Штат Сансарол
Штат Сансарол
05°19′28″ пн. ш. 132°13′16″ у. д.HGЯO
АрхіпелагКаралінскія астравы
АкваторыяЦіхі акіян
Колькасць астравоў4
Найбуйнейшы востраўСансарол
Агульная плошча3,5 км²
КраінаFlag of Palau.svg Палау
Сансарол (Палау)
Сансарол
Сансарол
Насельніцтва (2005)100 чал.
Шчыльнасць насельніцтва28,571 чал./км²
Востраў Фана
Востраў Фана

Астравы Сансарол (англ.: Sonsorol — група з 4 астравоў на поўдні Палау. Складаюць асобны штат гэтай краіны. Агульная плошча - 3,5 км ². Насельніцтва (2005 г.) - 100 чал.[1]

Геаграфія[правіць | правіць зыходнік]

Астравы Сансарол фактычна з'яўляюцца часткай буйнога Каралінскага архіпелага. Уключаюць наступныя астравы каралавага паходжання:

Астравы Сансарол:
Назва Насельніцтва Плошча, км ² Каардынаты
Сансарол (Дангасара) 50 1,36 05°19′37″ пн. ш. 132°13′23″ у. д.HGЯO
Тана 0,54 05°21′13″ пн. ш. 132°13′38″ у. д.HGЯO
Пула-Анна 40 0,5 04°39′18″ пн. ш. 131°57′05″ у. д.HGЯO
Мерыр 10 0,9 04°18′48″ пн. ш. 132°18′39″ у. д.HGЯO

Адміністрацыйным цэнтрам штата Сансарол лічыцца вёска Дангасара на востраве Сансарол.

Гісторыя[правіць | правіць зыходнік]

Сцяг штата Сансарол

Астравы былі адкрыты падчас экспедыцыі Магелана і нанесены на карты ў 1522 г. Прыкладна ў гэты ж перыяд яны былі населены мікранезійцамі. На мяжы XIX ст. і XX ст. мясцовае насельніцтва складала каля 200 чалавек.

У 1885 - 1899 гг. астравы ўваходзілі ў склад каланіяльных валоданняў Іспаніі, 1899 - 1914 гг. — Германіі. У гады I Сусветнай вайны захоплены Японіяй. Японскія прадпрымальнікі наладзілі на Сансароле вытворчасць вэнджанай рыбы. Асабліва цяжкія ўмовы для тубыльцаў склаліся пад час II Другой Сусветнай вайны, калі з-за дрэннага забеспячэння харчам сярод іх пачаўся голад. У 1947 г. астравы трапілі пад апеку ЗША.

У 1994 г. Рэспубліка Палау абвясціла незалежнасць. Астравы Сансарол увайшлі ў яе склад у якасці асобнага штата.

Сансарольцы[правіць | правіць зыходнік]

Сансарольцы — карэннае насельніцтва астравоў Сансарол. Яны размаўляюць на асобнай мове, блізкай да палаўанскай і япанскай моў. Яна мае афіцыйны статус у штаце Сансарол. Лічыцца, што астравы Сансарол былі населены прыкладна 500 гадоў таму выхадцам з паўночнага ўсходу (магчыма з астравоў Яп), Даўхепітам, і чальцамі яго сям'і. Галоўнымі заняткамі сансарольцаў здаўна з'яўляюцца рыбалоўства і вырошчванне хлебнага дрэва, клубневых культур, бананаў. У адрозненні ад насельніцтва асноўнай часткі Палау, мужчыны актыўна займаюцца земляробствам і зборам ураджая. Тут адсутнічае сістэма адліку сваяцтва па маці целунгалек.

Эканоміка[правіць | правіць зыходнік]

Большасць дарослых насельнікаў астравоў Сансарол працуюць у адміністрацыі. Турызм мае абмежаваны характар, несістэматычна арганізуюцца прыватныя рыбалоўныя туры.

Зноскі

Спасылкі[правіць | правіць зыходнік]