Святая Жэнеўева

Святая Жэнеўева
лац.: Genoveva лац.: Genovefa фр.: Geneviève
Дата нараджэння	423
Месца нараджэння	Нантэр, акруга Нантэр[d], дэпартамент Сена, Францыя
Дата смерці	502
Месца смерці	Парыж, Каралеўства Францыя
Месца пахавання	Сент-Эцьен-дзю-Мон[d]
У ліку	святы
Дзень памяці	26 лістапада і 3 студзеня
Медыяфайлы на Вікісховішчы

Жэнеўева (фр.: Geneviève) або Генавефа (лац.: Genovefa, каля 420, Нантэр (цяпер прадмесце Парыжа) — каля 500, Парыж) — святая, заступніца Парыжа.

Біяграфія

Паходзіла з старажытнага гала-германскага роду. У 429 годзе святы Герман Асерскі быў праездам у іх хаце і прадказаў маленькай Жэнеўеве вялікую будучыню. З пятнаццацігадовага ўзросту будучая святая вяла аскетычнае жыццё ў бацькоўскай хаце, а пасля смерці бацькоў жыла ў Парыжы, які тады не выходзіў за межы вострава Сітэ. У 451 годзе, калі Парыжу пагражалі уварваўшыся ў Еўропу орды Атылы, Жэнеўева прадказала, што Парыж будзе выратаваны. Калі гараджане страцілі надзею і хацелі забіць святую, Атыла адвёў свае орды ад горада ў бок Каталаўнскіх палёў, дзе і быў разбіты. Пасля гэтага слава святой ўзрасла. Яна заваявала павагу горада таксама шчодрасцю, бездакорнай маральнасцю і палымянай верай.

Падчас пяцігадовай аблогі Парыжа Хлодвіга, Жэнеўева прывяла па рацэ ў горад караблі з харчовымі прыпасамі і раздала іх народу. У 460 годзе Жэнеўева дабраславіла пабудову над магілай святога Дыянісія царквы, пры якой кароль Дагаберт I заснаваў пазней абацтва Сен-Дэні.