Свята-Мікалаеўская царква (Нарашы)

З пляцоўкі Вікіпедыя
Jump to navigation Jump to search
Праваслаўная царква
Свята-Мікалаеўская царква
Краіна Беларусь
Вёска Нарашы
Дата пабудовы 1860 год

Свята-Мікалаеўская царква — праваслаўны храм у в. Нарашы Шчучынскага раёна Гродзенскай вобласці.

Гісторыя[правіць | правіць зыходнік]

Пабудавана ў 1860 г. з бутавага каменю і цэглы. Прыпісная да Спаса-Праабражэнскай царквы ў г.п. Астрына.

Архітэктура[правіць | правіць зыходнік]

Помнік архітэктуры сінадальнага накірунку рэтраспектыўна-рускага стылю. Цэнтральны кубападобны аб'ём малітоўнай залы накрыты чатырохсхільным дахам з макаўкай у завяршэнні. Па падоўжнай восі заход — усход да яго далучаны прамавугольная апсіда і гранёны прытвор з двух'яруснай шатровай званіцай. На фоне паліхромнай бутавай муроўкі вылучаюцца атынкаваныя элементы архітэктурнага дэкору: руставаныя лапаткі, аркатурныя фрызы, круглыя разеткі і прамавугольныя нішы, кілепадобныя ліштвы аконных арачных праёмаў.

Зноскі

Літаратура[правіць | правіць зыходнік]

  • Праваслаўныя храмы Беларусі: энцыклапедычны даведнік / А. М. Кулагін; [рэд. савет: Г. П. Пашкоў, Л. В. Календа]. - Мн.: Беларуская Энцыклапедыя, 2007. – 653 с. – ISBN 978-985-11-0389-4.