Свята-Мікалаеўская царква (Старобін)
| Славутасць | |
| Свята-Мікалаеўская царква | |
|---|---|
| 52°43′54″ пн. ш. 27°27′43″ у. д.HGЯO | |
| Краіна |
 Беларусь |
| Гарадскі пасёлак | Старобін |
| Канфесія | БПЦ |
| Епархія | Слуцкая епархія |
 |
|
Свята-Мікалаеўская царква — мураваны праваслаўны храм у гарадскім пасёлку Старобіне Салігорскага раёна Мінскай вобласці. Знаходзіцца ў цэнтры паселішча.
Гісторыя[правіць | правіць зыходнік]
У 1879 годзе на сродкі князя Вітгенштэйна была пабудавана царква. У савецкі час яе перарабілі ў клуб, які 1982 годзе згарэў.
4 красавіка 1990 года была зарэгістравана рэлігійная грамада. Пад царкву мясцовымі ўладамі быў перададзены будынак старога жылога дома. 25 лістапада 1990 года храм быў асвячоны. У 1994 годзе ў царкве быў зроблены рамонт[1].
Архітэктура[правіць | правіць зыходнік]
Да папярочнага прамавугольнага ў плане аб’ёму прыбудавана 3-ярусная (васьмярык на 2 чацверыках) званіца, завершаная цыбулепадобным купалам. Вальмавы дах малітоўнай залы завершаны драўляным 2-ярусным (васьмярык на чацверыку) барабанам з макаўкай. Фасады расчлянёны прамавугольнымі аконнымі праёмамі, званіца — арачнымі. У двары царквы з тыльнага боку храма пастаўлена 4-гранная капліца, завершаная 8-гранным барабанам з макаўкай[2].
Зноскі
- ↑ Свята-Мікалаеўская царква (Старобін) Архівавана 25 кастрычніка 2019.
- ↑ Царква ў імя свяціцеля Мікалая Цудатворца Архівавана 31 снежня 2022.
Літаратура[правіць | правіць зыходнік]
- Праваслаўныя храмы Беларусі: энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4.
Спасылкі[правіць | правіць зыходнік]
- Свята-Мікалаеўская царква (Старобін) на сайце Глобус Беларусі (руск.)