Салігорскі раён

З пляцоўкі Вікіпедыя
Jump to navigation Jump to search
Салігорскі раён
Сцяг Герб
Сцяг Герб
Краіна Беларусь
Уваходзіць у Мінская вобласць
Адміністрацыйны цэнтр Салігорск
Афіцыйныя мовы Родная мова: беларуская 62,54 %, руская 32,39 %
Размаўляюць дома: беларуская 27,64 %, руская 64,08 %[1]
Насельніцтва
134 608 чал,[2] (4-е месца)
Шчыльнасць 54,7 чал./км² (4-е месца)
Нацыянальны склад беларусы — 88,87 %,
рускія — 7,08 %,
украінцы — 1,0 %,
іншыя — 3,05 %[1]
Плошча 2 498,91[3] км²
(2-е месца)
Вышыня
над узроўнем мора
141 м[4]
Салігорскі раён на карце
Афіцыйны сайт
Commons-logo.svg Салігорскі раён на Вікісховішчы

Салігорскі раён — адміністрацыйная адзінка ў складзе Мінскай вобласці.

Геаграфія[правіць | правіць зыходнік]

Знаходзіцца на самым поўдні Мінскай вобласці. Мяжуе са Слуцкім, Любанскім, Капыльскім раёнамі Мінскай вобласці, Жыткавіцкім раёнам Гомельскай вобласці, Лунінецкім і Ганцавіцкім раёнамі Брэсцкай вобласці.

Асноўныя рэкі — Морач, Случ. Найбольшыя азёры — Даманавіцкае, Саковіцкае і Святое.

Гісторыя[правіць | правіць зыходнік]

Раён утвораны 17 ліпеня 1924 года, першапачаткова пад назвай Старобінскага. 25 снежня 1962 года Старобінскі раён скасаваны. 6 студзеня 1965 года раён адноўлены як Салігорскі. На момант аднаўлення раён уключаў горад Салігорск, гарадскія пасёлкі Чырвоная Слабада, Старобін, Акцябрскі, Даманавіцкі, Доўгаўскі, Зажэвіцкі, Капацэвіцкі, Краснадварэцкі, Новацярушскі, Першамайскі, Пагосцкі, Рожанскі, Чапялёўскі, Чыжэвіцкі, Яскавіцкі сельсаветы. 30 красавіка 1965 года ў склад раёна перададзены Хорастаўскі сельсавет Лунінецкага раёна Брэсцкай вобласці, 14 жніўня 1979 года Гаўрыльчыцкі сельсавет таго ж раёна. 23 сакавіка 1987 года скасаваны Новацярушскі сельсавет, з часткі Хорастаўскага сельсавета ўтвораны Гоцкі сельсавет. 30 сакавіка 2006 года скасаваны Першамайскі сельсавет[5]. 30 кастрычніка 2009 года Старобінскі і Чырвонаслабодскі пассаветы рэарганізаваны ў сельсаветы, скасаваны Пагосцкі, Чапялёўскі і Яскавіцкі сельсаветы[6]. 29 снежня 2009 года скасаваны Рожанскі сельсавет[7].

Дэмаграфія[правіць | правіць зыходнік]

Насельніцтва раёна на 01.01.2017 складае 134 608 чалавек (улічваючы насельніцтва Салігорска, якое складае 106 839 чал.)[2].

Транспарт[правіць | правіць зыходнік]

Праз раён праходзяць аўтамагістраль «Слуцк-Мікашэвічы», чыгунка, якая злучае станцыю Салігорск са станцыяй Слуцк.

Сродкі масавай інфармацыі[правіць | правіць зыходнік]

Мясцовая прэса прадстаўлена праз выданні:

  • Недзяржаўная штотыднёвая газета «Лідэр-Прэс», руск.: «Лидер-Пресс». Выдаецца з верасня 1993 г. Выходзіць на 32 палосах фармата А3. Наклад — 12 тыс. экз.(2011). Заснавальнік — ААТ «Энергія».
  • Рэгіянальная газета «Інфа-Кур’ер». Недзяржаўнае штотыднёвае грамадска-палітычнае выданне. Зарэгістравана ў сакавiку 2001 г. Выдаецца на 24 палосах фармата А3. Наклад — ад 6400 да 7300 экз. (2011). Распаўсюджваецца праз «Белсаюздрук», па падпiсцы праз «Белпошту», праз прадпрыемствы рознiчнага гандлю.
  • Грамадска-палітычная штотыднёвая газета «Шахцёр». Заснавальнік — Салігорскі раённы выканаўчы камітэт.
  • Ведамасная газета «Калійшчык Салігорска». Выдаецца са студзеня 1974 г. Наклад — 3 тыс. экз.(2009). Заснавальнік — ААТ «Беларуськалій».

У эфір выходзіць праграма радыёвяшчання «Наша радыё» (па 40 хвілін 5 дзён на тыдзень).

Тэлебачанне прадстаўлена Салігорскім тэлевізійным каналам.

Вядомыя асобы[правіць | правіць зыходнік]

Зноскі

  1. 1,0 1,1 Вынікі перапісу 2009 года
  2. 2,0 2,1 Численность населения на 1 января 2017 г. и среднегодовая численность населения за 2016 год по Республике Беларусь в разрезе областей, районов, городов и поселков городского типа
  3. «Дзяржаўны зямельны кадастр Рэспублікі Беларусь» (па стане на 1 студзеня 2011 г.)
  4. GeoNames — 2005. Праверана 9 ліпеня 2017.
  5. Решение Минского областного Совета депутатов от 30 марта 2006 г. № 188 Об упразднении Первомайского сельсовета и изменении границ Краснослободского поссовета Солигорского района
  6. Решение Минского областного Совета депутатов от 30 октября 2009 г. № 219 Об изменении административно-территориального устройства Минской области
  7. Решение Минского областного Совета депутатов от 29 декабря 2009 г. № 246 Об изменении административно-территориального устройства Минской области

Спасылкі[правіць | правіць зыходнік]