Свята-Петра-Паўлаўская царква (Вялікія Жухавічы)

Славутасць
Свята-Петра-Паўлаўская царква
53°24′55,25″ пн. ш. 26°19′07,81″ у. д.
Краіна	Беларусь
Вёска	Вялікія Жухавічы
Канфесія	Беларуская праваслаўная царква
Епархія	Навагрудская епархія
Архітэктурны стыль	народнае дойлідства
Заснавальнік	Карл Радзівіл
Дата пабудовы	1745 год
Медыяфайлы на Вікісховішчы

Свята-Петра-Паўлаўская царква — праваслаўны храм у цэнтры вёскі Вялікія Жухавічы Карэліцкага раёна Гродзенскай вобласці. Помнік народнага дойлідства.

Гісторыя

Царква ў пач. XX ст.

Пабудавана, як грэка-каталіцкая, ў 1745 г. з дрэва па фундацыі князя Караля Радзівіла. Прыпісана да Пакроўскай царквы ў в. Турэц. У 1890 г. пабудавана драўляная царкоўнапрыходская школа.

Архітэктура

Бакавы фасад

Званіца

Да прамавугольнага зруба далучаны квадратны прытвор і пяцігранная апсіда з нізкімі бакавымі рызніцамі. Аб'ёмы пры дапамозе трохвугольных застрэшкаў накрыты агульным дахам, цэнтр якога завершаны фігурнай вежачкай. Агульную сіметрычна-восевую пабудову царквы парушае прыбудова да бакавога фасада невялікага прыдзела. Гарызантальна ашаляваныя сцены прарэзаны прамавугольнымі аконнымі праёмамі ў простых ліштвах.

Брама

Побач з царквой у 19 ст. пастаўлена мураваная двух'ярусная званіца пад шатровым дахам, завершаным голоўкай на чацверыковым барабане (мела 4 званы).

Інтэр'ер

У інтэр'еры трох'ярусны іканастас на 11 абразоў. Абразы 18 — 19 ст.: «Апосталы Фама і Іаан», «Святая Кацярына», фератрон «Маці Божая з дзіцем» і «Георгій Перамоганосец» (мяжа 18 - 19 ст.).

Літаратура

• Праваслаўныя храмы Беларусі : энцыклапедычны даведнік / А. М. Кулагін; маст.: З. Э. Герасімовіч, У. П. Свентахоўскі. — Мінск: Беларуская Энцыклапедыя, 2007. — 653 с. — 2 000 экз. — ISBN 978-985-11-0389-4.
• А. Ю. Пятросава. 786. Петрапаўлаўская царква // Збор помнікаў гісторыі і культуры Беларусі / АН БССР. Ін-т мастацтвазнаўства, этнаграфіі і фальклору; Рэд. кал.: С. В. Марцэлеў (гал. рэд.) і інш. — Мн.: БелСЭ, 1986. — Гродзенская вобласць. — 371 с., іл.

Спасылкі

• На Вікісховішчы ёсць медыяфайлы па тэме Свята-Петра-Паўлаўская царква (Вялікія Жухавічы)
• Свята-Петра-Паўлаўская царква (Вялікія Жухавічы) на сайце Праваслаўная архітэктура Беларусі (бел.)
• Свята-Петра-Паўлаўская царква (Вялікія Жухавічы) на сайце Radzima.org
• Свята-Петра-Паўлаўская царква (Вялікія Жухавічы) на сайце Глобус Беларусі (руск.)