Суфражысткі

Суфражы́сткі (ад англ.: suffrage — выбарчае права) — удзельніцы руху за жаночае выбарчае права ў ЗША і Заходняй Еўропе ў другой палове XIX — пачатку XX стагоддзя. Таксама суфражысткі выступалі супраць дыскрымінацыі жанчын у палітычным жыцці і грамадзянскіх правах.

Пачатак руху пакладзены на жаночай канферэнцыі, якая адбылася ў 1848 годзе ў горадзе Сенека-Фолс (ЗША). У 1869 годзе ў ЗША быў створаны Амерыканскі і Нацыянальны жаночыя суфражысцкія асацыяцыі, якія ў 1890 годзе аб’ядналіся ў Амерыканскую жаночую суфражысцкую асацыяцыю. У Вялікабрытаніі рух суфражыстак узначалілі Жаночая ліга свабоды і Жаночы сацыяльна-палітычны саюз, які быў створаны ў 1903 годзе. У 1904 годзе была заснавана Міжнародная арганізацыя суфражыстак — Міжнародны альянс за выбарчыя правы жанчын (з 1946 года — Міжнародны альянс жанчын).

Суфаржысткі арганізоўвалі грамадскія акцыі з мэтай прыцягнуць увагу грамадства да праблем выбарчага права для жанчын. У 1910—1920-х гадах, калі ў большасці еўрапейскіх краін жанчыны атрымалі выбарчае права, рух суфражыстак у іх спыніўся, і яны накіравалі сваю дзейнасць на барацьбу за сапраўднае раўнапраўе жанчын.

Літаратура

• Суфражы́сткі // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 292—293. — 10 000 экз. — ISBN 985-11-0035-8. — ISBN 985-11-0251-2 (т. 15).
• Суфражы́зм; Суфражы́стка; Суфражы́сцкі // Тлумачальны слоўнік беларускай мовы: У 5-ці т / АН БССР, Інстытут мовазнаўства імя Я. Коласа. — Мн.: Беларус. Сав. Энцыклапедыя імя Петруся Броўкі, 1983. — Т. 5 кн. 1: С — Улагодзіць / [рэдактар М. Р. Суднік]. — С. 396. — 663 с.
• Суфражистки // Социальное партнёрство — Телевидение. — М. : Большая Российская энциклопедия, 2016. — (Большая российская энциклопедия : [в 35 т.] / гл. ред. Ю. С. Осипов; 2004—). — ISBN 978-5-85270-368-2.
• Суфражистки // Большая советская энциклопедия : ([в 30 т.]) / гл. ред. А. М. Прохоров. — 3-е изд.. — М. : Советская энциклопедия, 1969—1978. (руск.)

Спасылкі

• На Вікісховішчы ёсць медыяфайлы па тэме Суфражысткі
• Крыкова И. В. Суфражизм как политическое направление феминизма // Аналитика культурологии, 2009 (руск.)