Сыраежка балотная

Сыраежка балотная
Навуковая класіфікацыя
прамежныя рангі Дамен:  Эўкарыёты Царства:  Грыбы Падцарства:  Вышэйшыя грыбы Аддзел:  Базідыяльныя грыбы Пададдзел:  Agaricomycotina Клас:  Агарыкаміцэты Парадак:  Сыраежкавыя Сямейства:  Сыраежкавыя Род:  Сыраежка Від:  Сыраежка балотная
Міжнародная навуковая назва
Russula paludosa Britzelm., 1891
Сінонімы
Russula elatior Lindblad, 1901 Russula fragaria Kudrna, 1919 Russula integra var. paludosa (Britzelm.) Singer, 1923 Russula integra var. rubrotincta Peck, 1902 Russula olgae Velen., 1920 Russula rubrotincta (Peck) Burl., 1915
Сістэматыка на Віківідах Выявы на Вікісховішчы NCBI   176813 EOL   160908 MB   206457

Сырае́жка балотная, сыраежка чырвоная (Russula paludosa) — шапкавы базідыяльны грыб з роду Сыраежка (Russula) сямейства Сыраежкавыя (Russulaceae).

Апісанне

Пладовае цела грыба — шапка на ножцы. Шапка 4—12 см у дыяметры, пукатая, з узростам пляската-ўвагнутая, з рубчастым краем. Скурка на шапцы клейкая, чырвонага або чырвона-бураватага колеру, адстае ад мякаці па краю. Мякаць крохкая, белая, без асаблівага паху. Ножка грыба даўжынёй 6—8 см і 1,5—3 см у дыяметры, цыліндрычная, суцэльная, шчыльная і гладкая. Колер ножкі белы, часам з ружовым адценнем. Пласцінкі слаба прырослыя, шырокія. Колер пласцінак белы, пазней становіцца крэмава-жоўтым. Споры амаль шарападобныя, барадаўчатыя або шыпаватыя, светла-жоўтага колеру.

Ядомы грыб.

Экалогія і распаўсюджванне

Сыраежка балотная распаўсюджана на тэрыторыі Еўразіі і Паўночнай Амерыкі. Звычайны від на тэрыторыі Беларусі. Грыбы растуць у сыраватых хвойных лясах і сярод імхоў на верхавых балотах. Пладовыя целы з'яўляюцца ў ліпені—верасні, паасобку або невялікімі групамі.

Літаратура

• Сержанина Г. И., Змитрович И. И. Макромицеты. Иллюстрированное пособие для биологов (руск.) / Под ред. Н. А. Дорожкина. — Мн.: Вышэйшая школа, 1978. — С. 156. — 192 с. — 60 000 экз.

Спасылкі

• Как выглядят грибы сыроежки? Описание разных видов // Журнал «Рутвет» (руск.)
• Сыроежка болотная; сыраежка чырвоная // Borovik.BY Архівавана 6 красавіка 2017. (руск.)