Сяргей Мошнікаў

З пляцоўкі Вікіпедыя
Jump to navigation Jump to search
Футбол
Сяргей Мошнікаў
Агульная інфармацыя
Нарадзіўся 7 студзеня 1988(1988-01-07)[1] (31 год)
Грамадзянства Сцяг Эстоніі Эстонія
Рост 177 см
Вага 74 кг
Пазіцыя паўабаронца
Інфармацыя пра клуб
Клуб Сцяг Літвы Паланга
Нумар 8
Кар’ера
Маладзёжныя клубы
Сцяг Эстоніі Пярну
Клубная кар’ера*
2005 Сцяг Эстоніі Вапрус (Пярну) 7 (0)
2005 — 2006 Сцяг Нідэрландаў Херэнвен 0 (0)
2006 — 2011 Сцяг Эстоніі Флора (Талін) 157 (31)
2012 Сцяг Польшчы Погань (Шчэцін) 2 (0)
2013 Сцяг Польшчы Гурнік (Забжэ) 18 (1)
2014 Сцяг Казахстана Кайсар (Кызыларда) 18 (0)
2014 Сцяг Эстоніі Флора (Талін) 7 (0)
2015 Сцяг Казахстана Табол (Кастанай) 5 (1)
2016 Сцяг Эстоніі Інфанет (Талін) 28 (6)
2017 Сцяг Беларусі Мінск 11 (1)
2017 Сцяг Фінляндыі ПС Кемі 15 (3)
2018 Сцяг Польшчы Гурнік (Лэнчна) 14 (2)
2018 Сцяг Казахстана Шахцёр (Караганда) 9 (0)
2019 — Сцяг Літвы Паланга 15 (0)
Нацыянальная зборная**
2004 Сцяг Эстоніі Эстонія (да 17) 2 (0)
2006 Сцяг Эстоніі Эстонія (да 19) 4 (1)
2006 — 2010 Сцяг Эстоніі Эстонія (да 21) 24 (2)
2011 — 2012 Сцяг Эстоніі Эстонія (да 23) 2 (0)
2010 — Сцяг Эстоніі Эстонія 35 (2)

* Колькасць гульняў і галоў за прафесійны клуб лічыцца
толькі для розных ліг нацыянальных чэмпіянатаў, адкарэктавана станам на 5 7 2019.

** Колькасць гульняў і галоў за нацыянальную зборную ў
афіцыйных матчах, адкарэктавана станам на 5 верасня 2018.

Сяргей Мошнікаў (эст.: Sergei Mošnikov; нар. 7 студзеня 1988, Пярну) — эстонскі футбаліст, паўабаронца літоўскага клуба «Паланга» і нацыянальнай зборнай Эстоніі.

Клубная кар’ера[правіць | правіць зыходнік]

Пачынаў займацца футболам у клубе «Пярну», пазней далучыўся да іншага клуба з роднага горада — «Вапруса». У 2005—2006 гадах гуляў за юнацкую каманду нідэрландскага «Херэнвена». Улетку 2006 года вярнуўся ў Эстонію, стаўшы іграком «Флоры». У складзе сталічнага клуба двойчы здабыў тытул чэмпіёна Эстоніі, тройчы выйграў кубак краіны.

У снежні 2011 года далучыўся да клуба другога польскага дывізіёна «Погань». Па выніках сезону 2011/12 «Погань» атрымала месца ў Экстраклясе, але эстонскі паўабаронца не згуляў ніводнага матчу. У пачатку 2013 года, згуляўшы за «Погань» толькі ў двух матчах, перайшоў у «Гурнік», аднак у канцы таго ж года пакінуў клуб.

У лютым 2014 года далучыўся да казахстанскага «Кайсара». У верасні таго ж года вярнуўся ў «Флору», падпісаўшы кантракт да канца сезону. У лютым 2015 года зноў накіраваўся ў Казахстан, стаўшы іграком «Табола», аднак ужо ўлетку з-за траўмы пакінуў каманду. У лютым 2016 года прыняў прапанову стаць іграком талінскага «Інфанета», якому дапамог у сезоне 2016 выйграць свой першы тытул чэмпіёна Эстоніі.

У лютым 2017 года падпісаў кантракт з беларускім клубам «Мінск»[2]. Спачатку трывала выхадзіў у стартавым складзе мінчан, але ў чэрвені перастаў з’яўляцца на полі. У ліпепі 2017 года кантракт з «Мінскам» па пагадненні бакоў быў разарваны[3], і неўзабаве паўабаронца стаў іграком фінскага клуба «ПС Кемі». Па заканчэнні сезону 2017 пакінуў каманду.

У сакавіку 2018 года стаў іграком «Гурнік» з Лэнчны, які выступаў у Першай лізе Польшчы. Пасля вылету «Гурніка» ў Другую лігу ў ліпені 2018 года перайшоў у карагандзінскі «Шахцёр».

У лютым 2019 года далучыўся да літоўскага клуба «Паланга».

Міжнародная кар’ера[правіць | правіць зыходнік]

Выступаў за юнацкія і моладзевыя зборныя Эстоніі розных узростаў. 19 чэрвеня 2010 года дэбютаваў у нацыянальнай зборнай Эстоніі, выйшаўшы на замену ў канцы матчу Балтыйскага Кубка супраць Латвіі.

Дасягненні[правіць | правіць зыходнік]

Зноскі

  1. Sergei Mosnikov // Transfermarkt — 2000. Праверана 9 кастрычніка 2017.
  2. "Минск" подписал Сергея Мошникова. football.by.
  3. Сергей Мошников покинул "Минск". football.by.

Спасылкі[правіць | правіць зыходнік]