Сідра (вёска)

З Вікіпедыі, свабоднай энцыклапедыі
Вёска
Сідра
польск.: Sidra
Герб
Герб
У цэнтры вёскі
У цэнтры вёскі
Краіна
Ваяводства
Павет
Гміна
Каардынаты
Насельніцтва
673 чалавекі (2011)
Часавы пояс
Паштовыя індэксы
16-124
Аўтамабільны код
BSU
Сідра на карце Польшчы ±
Сідра (вёска) (Польшча)
Сідра (вёска)
Сідра (вёска) (Падляскае ваяводства)
Сідра (вёска)

Сідра (польск.: Sidra) — вёска ў Польшчы, за 18 км на поўнач ад Сакулкі, за 52 км на поўнач ад Беластока, на рацэ Сідры. Уваходзіць у склад Сакульскага павета Падляскага ваяводства, сядзіба вясковай гміны Сідра.

Гісторыя[правіць | правіць зыходнік]

Касцёл, каля 1900 г.

Вялікае Княства Літоўскае[правіць | правіць зыходнік]

Землі, на якіх з’явілася Сідра, знаходзіліся ў валоданні Гаштольдаў, Галоўчынскіх, Валовічаў. У 1560-я гады Астафій Валовіч заснаваў тут кальвінскі збор. У 1566 годзе вялікі князь Жыгімонт Аўгуст надаў Сідры гарадскія правы.

У 1630 годзе Сідра перайшла ў валоданне Патоцкіх, якія перабудавалі замак пад палац. У 1704 годзе новыя ўладальнікі мястэчка Шчукі заснавалі тут каталіцкую парафію.

Пад уладай Расійскай імперыі[правіць | правіць зыходнік]

У выніку трэцяга падзелу Рэчы Паспалітай у 1795 годзе Сідра апынулася ў складзе Прусіі, у Беластоцкім дэпартаменце. У 1807 годзе згодна з Тыльзіцкім мірным дагаворам паміж Расіяй і Францыяй, мястэчка апынулася ў Беластоцкай вобласці Расійскай імперыі.

На 1878 год у Сідры было 110 драўляных будынкаў. У часы Першай сусветнай вайны ў 1915 годзе мястэчка занялі нямецкія войскі.

Найноўшы час[правіць | правіць зыходнік]

Пасля польска-савецкай вайны, згодна з Рыжскім мірным дагаворам 1921 года Сідра ў складзе міжваеннай Польскай Рэспублікі, у Гродзенскім павеце Беластоцкага ваяводства.

З пачаткам Другой сусветнай вайны 15 верасня 1939 года Сідру акупавалі войскі Трэцяга Рэйха, але праз тыдзень вёску перадалі СССР згодна з пактам Молатава-Рыбентропа[крыніца?]. У лістападзе 1939 года Сідра ўвайшла ў склад БССР, у Беластоцкую вобласць. З чэрвеня 1941 да верасня 1944 года вёска зноў знаходзілася пад нямецкай акупацыяй. 16 жніўня 1945 года ўлады СССР перадалі Сідру Польскай Народнай Рэспубліцы.

Насельніцтва[правіць | правіць зыходнік]

  • XIX стагоддзе: 1878 год — 920 чал.[1]
  • XXI стагоддзе: 2011 год — 673 чал.

Славутасці[правіць | правіць зыходнік]

  • Замчышча
  • Кальвінскі збор (2-я палова XVI ст., захаваліся руіны)
  • Касцёл Найсвяцейшай Тройцы (XVIII ст.)

Галерэя[правіць | правіць зыходнік]

Зноскі

  1. Krzywicki J. Sidra // Słownik geograficzny Królestwa Polskiego i innych krajów słowiańskich. Tom X: Rukszenice — Sochaczew (польск.). — Warszawa, 1889. S. 482.

Спасылкі[правіць | правіць зыходнік]