Сяргей Сцяпанавіч Панізнік
Сяргей Сцяпанавіч Панізнік | |
---|---|
Асабістыя звесткі | |
Дата нараджэння | 10 мая 1942 (82 гады) |
Месца нараджэння |
|
Грамадзянства | |
Альма-матар | |
Прафесійная дзейнасць | |
Род дзейнасці | публіцыст, перакладчык, паэт, дзіцячы пісьменнік, краязнавец, журналіст, пісьменнік |
Жанр | лірыка |
Мова твораў | беларуская |
Грамадская дзейнасць | |
Член у | |
Узнагароды |
Сяргей Сцяпанавіч Панізнік (нар. 10 мая 1942, в. Бабышкі (цяпер не існуе) Даўгінаўскага сельсавета, Мёрскі раён) — беларускі паэт, празаік, публіцыст.
Біяграфія
[правіць | правіць зыходнік]Нарадзіўся ў сялянскай сям’і. Скончыў Магілёўскае медыцынскае вучылішча (1962), факультэт журналістыкі Львоўскага вышэйшага ваенна-палітычнага вучылішча (1967). Ваенны журналіст, член Саюза пісьменнікаў СССР (1967). З 1977 года працаваў у газеце «Вячэрні Мінск», з 1980 — на Дзяржтэлерадыё БССР, у 1982—1996 — у выдавецтве «Юнацтва», адначасова ў 1992—1994 — у Нацыянальным навукова-асветніцкім цэнтры імя Ф. Скарыны, у 1996—1999 — вучоны сакратар Літаратурнага музея Я. Купалы.
Творчасць
[правіць | правіць зыходнік]Друкуецца з 1959 года (пад псеўданімам Сяргей Папар). У зборніках паэзіі «Кастры Купалля» (1967), «Палявая пошта» (1972), «Крона надзеі» (1975), «Чало і век» (1979), «Слова на дабрыдзень» (1982), «Мацярык» (1984), «Стырно» (1989), «А пісар земскі…» (1994), «Сустрэча роднасных сусветаў» (1997) — услаўленне роднага краю і яго духоўнай спадчыны, пераемнасці пакаленняў, філасофскі роздум над часам і гісторыяй свайго народа.
Аўтар кнігі публіцыстыкі «Пасля вогненных вёсак…» (1980), дакументальнай аповесці «Браніслава» (1985), «Асвейская трагедыя» (1992) пра Саласпілскі лагер смерці.
Піша для дзяцей: зборнікі вершаў «Адкуль вясёлка п’е ваду» (1981), «Жыцень» (1986), «Мы — грамацеі» (1989), «Золкая зёлка» (1999).
У перыядычным друку выступае па праблемах сучаснага літаратурнага працэсу.
Узнагароды
[правіць | правіць зыходнік]Узнагароджаны медалём 100 гадоў БНР Рады Беларускай Народнай Рэспублікі[1].
Зноскі
Літаратура
[правіць | правіць зыходнік]- Панізнік Сяргей Сцяпанавіч // Беларуская энцыклапедыя : у 18 т. / рэдкал. Г. П. Пашкоў [і інш.]. — Мн., 1996. — Т. 12. — С. 46.
- Панізнік Сяргей // Беларускія пісьменнікі: біябібліяграфічны слоўнік : у 6 т. / пад рэд. А. В. Мальдзіса. — Мн., 1994. — Т. 4. — С. 449.
- Панізнік Сяргей // Беларускія пісьменнікі: 1917—1990 / Уклад. А. Гардзіцкі. — Мн.: Мастацкая літаратура, 1994. ISBN 5-340-00709-X
- Панізнік Сяргей // Памяць: гісторыка-дакументальная хроніка Міёрскага раёна / рэдкал. Г. М. Маняк [і інш.]. — Мн., 1998. — С. 534—535.
- Скобла, М. Краса і сіла / М. Скобла // Звязда. — 2002. — 2 лют.
Спасылкі
[правіць | правіць зыходнік]- Нарадзіліся 10 мая
- Нарадзіліся ў 1942 годзе
- Нарадзіліся ў Мёрскім раёне
- Выпускнікі Магілёўскага дзяржаўнага медыцынскага каледжа
- Выпускнікі Львоўскага вышэйшага ваенна-палітычнага вучылішча
- Члены Саюза пісьменнікаў СССР
- Узнагароджаныя медалём да стагоддзя БНР
- Узнагароджаныя ордэнам Трох Зорак
- Асобы
- Пісьменнікі паводле алфавіта
- Члены Саюза пісьменнікаў Беларусі
- Журналісты Беларусі
- Журналісты паводле алфавіта
- Паэты Беларусі
- Пісьменнікі Беларусі
- Публіцысты Беларусі
- Беларускамоўныя паэты
- Беларускамоўныя пісьменнікі
- Дзіцячыя пісьменнікі Беларусі