Тамара Яўгенаўна Гаробчанка

Тамара Яўгенаўна Гаробчанка
Дата нараджэння	22 ліпеня 1942(1942-07-22) (82 гады)
Месца нараджэння	Ветка, Веткаўскі раён, Гомельская вобласць, БССР, СССР
Бацька	мерк. Яўген Палікарпавіч Гаробчанка
Род дзейнасці	тэатразнавец
Месца працы	Інстытут мастацтвазнаўства, этнаграфіі і фальклору імя Кандрата Крапівы НАН Беларусі
Навуковая ступень	кандыдат мастацтвазнаўства (1971)
Альма-матар	Беларускі дзяржаўны тэатральна-мастацкі інстытут (1967)

Тамара Яўгенаўна Гаробчанка (нар. 22 ліпеня 1942, г. Ветка, Гомельская вобласць) — беларускі тэатразнавец. Кандыдат мастацтвазнаўства (1971).

Біяграфія

Верагодна дачка беларускага акцёра Яўгена Гаробчанкі (1917—1947). Скончыла Беларускі тэатральна-мастацкі інстытут у 1967 годзе. З 1970 года ў Інстытуце мастацтвазнаўства, этнаграфіі і фальклору імя К. Крапівы АН Беларусі.

Навуковая дзейнасць

Даследуе творчасць беларускіх акцёраў (Т. Бандарчык, Г. Маркінай, В. Галіны і інш.), аўтар манаграфіі «Купалаўскія вобразы на беларускай сцэне» (1976), сааўтар кніг «Гісторыя беларускага тэатра» (т. 1—3, 1983—1987), «Гісторыя тэатразнаўства народаў СССР, 1917—1941» (1985), «Тэатр і жыццё: Некаторыя праблемы тэатральнага працэсу ў Беларусі 70—80-х гг.» (1989) і інш.

Творы

• Мастацтвазнаўства (у сааўт.) // Інстытут беларускай культуры. Мн., 1993;
• Часцінка Бацькаўшчыны на чужыне // Культура беларускага замежжа. Мн., 1993. Кн. 2; Театральная критика // Очерки истории науки и культуры Беларуси IX — начала XX в. Мн., 1996;
• Culture de la Biélorussie. Рагіа, Paris, 1979 (у сааўтарстве).

Літаратура

• Гаробчанка Тамара Яўгенаўна // Беларуская энцыклапедыя: У 18 т. Т. 5: Гальцы — Дагон / Рэдкал.: Г. П. Пашкоў і інш. — Мн. : БелЭн, 1997. — Т. 5. — 576 с. — 10 000 экз. — ISBN 985-11-0035-8. — ISBN 985-11-0090-0 (т. 5).