Таццяна Васілеўна Гардашнікава

Таццяна Васілеўна Гардашнікава
Дата нараджэння	29 мая 1959(1959-05-29) (65 гадоў)
Месца нараджэння	Мінск, БССР, СССР
Грамадзянства	Беларусь
Род дзейнасці	мастачка
Жанр	плакат і кніжная графіка
Вучоба	Беларуская дзяржаўная акадэмія мастацтваў
Уплыў	Павел Апанасавіч Семчанка і Леніна Мікалаеўна Міронава
Член у	Беларускі саюз мастакоў Беларускі саюз дызайнераў

Таццяна Васілеўна Гардашнікава (нар. 29 мая 1959, г. Мінск) — беларуская мастачка.

Біяграфія

Нарадзілася 29 мая 1959 года ў Мінску. Скончыла Беларускі тэатральна-мастацкі інстытут у 1983 годзе. Вучылася ў П. Семчанкі і Л. Міронавай. Удзельніца мастацкіх выставак з 1981 года.

Член Беларускага саюза мастакоў з 1990 года, член Беларускага саюза дызайнераў з 1998 года. Жыве ў г. Мінску.

Творчасць

Працуе ў галінах плаката і кніжнай ілюстрацыі. Асноўныя творы: серыя плакатаў «Эканомія і беражлівасць» і «Беражыце будматэрыялы», а таксама «Хлеб усяму галава», «Кадры вырашаюць усё», «Справа N», «Сувеніры з Расіі», «Арменія. Фрагменты трагедыі» (усе ў сааўтарстве з Д. Сурскім); ілюстрацыі да двух зборнікаў «Французскія казкі».

Узнагароды

Узнагароджана дыпломамі ўсесаюзных і рэспубліканскіх конкурсаў плаката.

Літаратура

• Гардашнікава Таццяна Васілеўна // Беларускі саюз мастакоў, 1938—1998 = Belarussian union of artists, 1938—1998 : Энцыкл. давед. / Аўт.-склад.: Б. А. Крэпак і інш.. — Мн.: ВТАА «Кавалер Паблішэрс», 1998. — 663 с. — 3 000 экз. — ISBN 985-6427-09-6.

Спасылкі

• Таццяна Васілеўна Гардашнікава на сайце анлайн-энцыклапедыі «Беларусь у асобах і падзеях»