Тутутні

З пляцоўкі Вікіпедыя
Jump to navigation Jump to search
Тутутні
(Tututunne’)
Image from page 755 of "Bulletin" (1901) (20418075722).jpg
1901 г.
Агульная колькасць
Рэгіёны пражывання ЗША
Мова тутутні
Рэлігія анімізм, шаманізм, хрысціянства
Блізкія этнічныя групы хупа, талова

Тутутні (саманазва: Tututunne’) — плямёны ціхаакіянскіх атабаскаў, што да сярэдзіны XIX ст. насялялі паўднёва-заходняе ўзбярэжжа Арэгона (ЗША). Нашчадкі тутутні насяляюць 2 рэзервацыі ў гэтым штаце.

Агульную назву тутутні адносяць да племянных аб'яднанняў, што насялялі бераг Ціхага акіяна і землі ўздоўж ракі Роўг. Іх агульная колькасць вагалася ад 7 да 12. Яны размаўлялі на аднолькавай мове, што падзялялася на 3 дыялекты.

Галоўнымі заняткамі былі збіральніцтва, рыбалоўства і паляванне. Асаблівую ролю ў забеспячэнні адыгрываў лоў ласося. Яму папярэднічала свята, прысвечанае гэтай рыбіне. Тутутні будавалі лодкі, прыдатныя для лову на рацэ і ў акіяне. Карысталіся ракавінамі малюскаў у якасці грошай.

Назапашванне багацця лічылася важным для падвышэння сацыяльнага статуса. Найбольш заможныя мужчыны кіравалі вясковымі абшчынамі, практыкавалі палігінію, размяркоўвалі вынікі супольнага лову, але павінны былі аказваць дапамогу найбольш бедным.

У 1851 г. на тэрыторыі тутутні быў заснаваны Порт-Орфард, што прывяло да росту амерыканскага насельніцтва і яго канфліктам з індзейцамі. У 1855 - 1856 гг. канфлікты перараслі ў крывавыя сутычкі, вядомыя як войны на рацэ Роўг. Пасля іх заканчэння тутуні і іншыя тубыльцы былі пераселены ў рэзервацыі.

Спасылкі[правіць | правіць зыходнік]