Уладзімір Аркадзевіч Сосна

Уладзімір Аркадзевіч Сосна
Уладзімір Аркадзевіч Сосна
	; Уладзімір Сосна, 2024 г.
Дата нараджэння	30 лістапада 1951 (72 гады)
Месца нараджэння	Галяшонкі, Каранёўскі сельсавет, Смаргонскі раён, Маладзечанская вобласць, БССР, СССР;
Грамадзянства	СССР; Беларусь;
Род дзейнасці	гісторык, выкладчык універсітэта
Навуковая сфера	гісторыя
Месца працы	гістарычны факультэт БДУ; Беларускі дзяржаўны інстытут народнай гаспадаркі імя В. У. Куйбышава; гістарычны факультэт БДУ; Рэспубліканскі інстытут вышэйшай школы; гістарычны факультэт БДУ;
Навуковая ступень	кандыдат гістарычных навук (1983)
Альма-матар	гістарычны факультэт БДУ (1973);
Навуковы кіраўнік	Аляксандр Пятровіч Ігнаценка
Узнагароды	Ганаровая грамата Міністэрства адукацыі Рэспублікі Беларусь (2001) Грамата Міністэрства адукацыі Рэспублікі Беларусь (1994)
	Медыяфайлы на Вікісховішчы

Уладзі́мір Арка́дзевіч Со́сна (нар. 30 лістапада 1951, в. Галяшонкі, Смаргонскі раён, цяпер Гродзенская вобласць) — беларускі гісторык, кандыдат гістарычных навук (1983).

Біяграфія[правіць | правіць зыходнік]

У 1973 годзе скончыў гістарычны факультэт Беларускага дзяржаўнага ўніверсітэта. У 1973 годзе працаваў настаўнікам сярэдняй школы ў Мядзелі. У 1975—1979 гадах навучаўся ў аспірантуры БДУ. Старшы лабарант кафедры гісторыі БССР БДУ ў 1974—1983 гадах^[1].

Абараніў кандыдацкую дысертацыю «Фарміраванне саслоўя дзяржаўных сялян у Беларусі ў канцы XVIII — першай палове XIX ст.» (1983, навуковы кіраўнік — прафесар Аляксандр Ігнаценка). У 1983—1987 гадах выкладчык, дацэнт кафедры эканамічнай гісторыі Беларускага дзяржаўнага інстытута народнай гаспадаркі. У 1988—2000 гадах дацэнт кафедры гісторыі БССР, кафедры гісторыі Беларусі, кафедры гісторыі Беларусі старажытнага часу і сярэдніх вякоў БДУ. У 2001—2005 гадах загадчык кафедры гісторыі і беларусазнаўства Рэспубліканскага інстытута вышэйшай школы. З 2005 года дацэнт кафедры гісторыі Беларусі старажытнага часу і сярэдніх вякоў БДУ^[1].

Навуковая дзейнасць[правіць | правіць зыходнік]

Навуковыя інтарэсы — сялянскае пытанне і палітычнае жыццё на Беларусі ў апошняй трэці XVIII — першай палове XIX стагоддзяў. Аўтар каля 200 прац.

Суаўтар і рэдактар вучэбнага дапаможніка «Гісторыя Беларусі» для ліцэяў, гімназій і школ з паглыбленым вывучэннем гуманітарных дысцыплін (1996, 1997), адзін з суаўтараў і рэдактараў першага тома «Гісторыі сялянства Беларусі»^[2].

Падрыхтаваў чатырох кандыдатаў навук.

Узнагароды[правіць | правіць зыходнік]

Узнагароджаны Граматай (1994) і Ганаровай граматай Міністэрства адукацыі Рэспублікі Беларусь (2001), «Выдатнік адукацыі» (2012) і «Заслужаны работнік БДУ» (2022).

Зноскі

↑ ^а ^б Сосна Уладзімір Аркадзьевіч (бел.)(недаступная спасылка). bsu.by. Архівавана з першакрыніцы 24 кастрычніка 2022.
↑ ЭГБ 2001, с. 387.

Літаратура[правіць | правіць зыходнік]

Сосна Уладзімір Аркадзевіч // Энцыклапедыя гісторыі Беларусі. У 6 т. Т. 6. Кн. 1: Пузыны — Усая / Рэдкал.: Г. П. Пашкоў (галоўны рэд.) і інш.; Маст. Э. Э. Жакевіч. — Мн. : БелЭн, 2001. — С. 387. — 10 000 экз. — ISBN 985-11-0214-8.

Спасылкі[правіць | правіць зыходнік]

Спіс публікацый (нявызн.)(недаступная спасылка). bsu.by. Архівавана з першакрыніцы 24 кастрычніка 2022.

[bsu-1] а ^б Сосна Уладзімір Аркадзьевіч (бел.)(недаступная спасылка). bsu.by. Архівавана з першакрыніцы 24 кастрычніка 2022.

[FOOTNOTEЭГБ2001387-2] ЭГБ 2001, с. 387.

[1]

[2]