Уладзімір Восіпавіч Багамолаў

З пляцоўкі Вікіпедыя
Перайсці да: рух, знайсці
Уладзімір Багамолаў
Уладзімір Восіпавіч Багамолаў
Bogomolov.jpg
Імя пры нараджэнні:

Уладзімір Іосіфавіч Вайцінскі

Дата нараджэння:

3 ліпеня 1924(1924-07-03)

Месца нараджэння:

вёска Кірылава, Маскоўская губерня, СССР[1]

Дата смерці:

30 снежня 2003(2003-12-30) (79 гадоў)

Месца смерці:

Масква, Расія

Грамадзянства (падданства):

Flag of the Soviet Union.svg СССР

Род дзейнасці:

пісьменнік

Гады творчасці:

19572003

Кірунак:

тэма Вялікай Айчыннай вайны

Прэміі:
  • Дыплом і медаль ЮНЕСКА «За выдатны ўнёсак у Сусветную літаратуру» за «гуманізацыю жорсткага ваеннага рамяства», 2003
  • Прэмія «За годныя творчыя паводзіны ў літаратуры», 2001
  • Прэмія імя Мікалая Кузняцова, 2001
Ордэн Айчыннай вайны I ступені Ордэн «Знак Пашаны» Ордэн Працоўнага Чырвонага Сцяга

Уладзімір Восіпавіч Багамолаў (3 ліпеня 1926, в. Кірылаўка Маскоўскай губ. — 30 снежня 2003) — рускі празаік.

Біяграфія[правіць | правіць зыходнік]

Скончыў сем класаў сярэдняй школы (1941). Удзельнік Вялікай Айчыннай вайны, у дзеючай арміі служыў паслядоўна радавым, камандзірам аддзялення, памкамузвода, камандзірам узвода — стралковага, аўтаматчыкаў, пешай разведкі, — у канцы вайны выконваў абавязкі камандзіра роты. Пахаваны на Ваганькаўскіх могілках. Узнагароджаны ордэнамі і медалямі.

Бібліяграфія[правіць | правіць зыходнік]

Вядомасць У. Багамолаву прынесла апавяданне «Іван» («Иван», 1958), экранізаванае А. Таркоўскім — «Іванава дзяцінства» («Иваново детство», 1962[2]). Аўтар серыі апавяданняў — «Першае каханне» («Первая любовь», 1958), «Сэрца майго боль» («Сердца моего боль», 1965), «Могілкі пад Беластокам» («Кладбище под Белостоком», 1965), «Зося» (1965), рамана «У жніўні 44-га» (або «Момант ісціны», 1973), аповесці «У крыгеры» (1993).

Раман «У жніўні 44-га» або «Момант ісціны», які з'яўляецца найбольш значным творам пісьменніка, меў немалы поспех у савецкага чытача. У рамане-трылеры па-майстэрску з'яўленая атмасфера на землях Заходняй Беларусі адразу пасля яе заняцця Чырвонай арміяй летам 1944-га, на фоне канфлікту некалькіх нацыябудаўнічых праектаў. Выдатна прамаляваныя індывідуальнасці галоўных герояў, як станоўчых, так і адмоўных. Дзве экранізацыі рамана, у тым ліку, «У жніўні 44-га…» (2000) аўтарства М. Пташука, не былі ухваленыя аўтарам.

Раман «Момант ісціны» («У жніўні 44-га…») і аповесць «Іван» вытрымалі больш сотні перавыданняў агульным накладам больш за 1 млн асобнікаў. Кнігі У. Багамолава ўваходзяць у вучэбныя праграмы для чытання сярэдніх школ, гімназій і ліцэяў шэрага краін, у т.л. Беларусі.

Зноскі

  1. в. Кірылава, 65 км ад Масквы па Яраслаўскай шашы, недалёка ад Сергіева Пасада. Гл. «Богомолов Владимир Осипович» // Краткая литературная энциклопедия, М., Сов. энциклопедия, т. 9, 1962, стр. 154. Кірылаўка — вёска ў складзе гарадской акругі Хімкі, Маскоўская вобласць.
  2. Фільм уганараваны вышэйшай прэміяй Венецыянскага кінафестывалю «Залаты леў».

Літаратура[правіць | правіць зыходнік]

  • Багамолаў Уладзімір Восіпавіч // Беларуская энцыклапедыя: У 18 т. Т. 2: Аршыца — Беларусцы / Рэдкал.: Г. П. Пашкоў і інш. — Мн.: БелЭн., 1996. С. 197—198.
  • Богомолов В. Момент истины: Роман. Повести и рассказы. М., 1995;
  • Богомолов В. Избранное. М., 1996;
  • Момант ісціны: (У жніўні сорак чацвёртага…): раман / Уладзімір Багамолаў; [пераклаў з рускай мовы У. Паўлаў]. — Мінск : Мастац. лiт., 1984. — 415 с.; 20 см. (В пер.)