Уладзімір Мікалаевіч Навіцкі

З пляцоўкі Вікіпедыя
Jump to navigation Jump to search
Уладзімір Мікалаевіч Навіцкі
Род дзейнасці: журналіст
Дата нараджэння: 8 мая 1954(1954-05-08) (65 гадоў)
Месца нараджэння: Брэст, БССР, СССР
Грамадзянства: Сцяг Беларусі Беларусь
Альма-матар:
Узнагароды і прэміі:

Уладзі́мір Мікала́евіч Наві́цкі (нар. 1954, Брэст) — беларускі спартыўны журналіст і тэлекаментатар.[1][2] Начальнік аддзела каментараў і падрыхтоўкі тэматычных праграм галоўнай дырэкцыі спартыўнага вяшчання Нацыянальнай дзяржтэлерадыёкампаніі. Заслужаны дзеяч культуры Рэспублікі Беларусь.

Біяграфія[правіць | правіць зыходнік]

Нарадзіўся ў 1954 годзе ў Брэсце ў сям’і ваеннага.

Адукацыя[правіць | правіць зыходнік]

Скончыў Беларускі політэхнічны інстытут па спецыяльнасці «інжынер-энергетык». Пазней — завочнае аддзяленне факультэта журналістыкі БДУ з чырвоным дыпломам.

Праца[правіць | правіць зыходнік]

У спартыўную журналістыку трапіў дзякуючы лісту, які напісаў у дырэкцыю спартыўных праграмаў. Пасля гэтага Уладзіміра Навіцкага запрасілі працаваць на радыё, а праз тры гады даручылі весці тэлерэпартаж. Каля году прапрацаваў пазаштатным карэспандэнтам у штотыднёвым радыёчасопісе «Спартыўная арбіта», рабіў матэрыялы самых розных жанраў. Пасля выпрабавальнага тэрміну яму прапанавалі паспрабаваць свае сілы ў ролі каментатара. Спачатку хадзіў на стадыён «Дынама» з рэпарцёрам і за 15—20 хвілін да заканчэння матча, седзячы на трыбуне, распавядаў пра тое, што адбываецца на полі. У жніўні 1981 года правёў першы паўнавартасны рэпартаж пра матч чэмпіянату СССР «Дынама» (Мінск) — «Пахтакор» (Ташкент). Некаторы час пісаў артыкулы для газеты «Прессбол», у першым нумары газеты было некалькі яго матэрыялаў. Каля году супрацоўнічаў з газетай «Знамя юности», дзе быў футбольным аглядальнікам. Асвятляў практычна ўсе буйныя спартыўныя мерапрыемствы з удзелам беларускіх спартсменаў.

У 2007 годзе стаў заслужаным дзеячам культуры Беларусі[3].

Спіс асвятляемых спаборніцтваў[правіць | правіць зыходнік]

Сям’я[правіць | правіць зыходнік]

Жанаты, сын працуе прэс-сакратаром у МНС.

Крылатыя фразы[правіць | правіць зыходнік]

Аўтар шэрагу ўсенародна любімых фразаў:

  • «Моцна, але недакладна»
  • «Над полем бліскаюць маланкі… Нашыя ідуць у наступ»
  • «Удар — бэлька!»

Зноскі

Спасылкі[правіць | правіць зыходнік]