Усходне-Вятчынскае падняцце
Усходне-Вятчынскае падняцце (ад назвы вёскі Вятчын у Жыткавіцкім раёне) — тэктанічная структура ў Любанскім і Акцябрскім раёнах, у межах Капаткевіцка-Велікаборскай ступені Прыпяцкага прагіну. Выяўлена сейсмаразведкай па паверхні крышталічнага фундамента, падсалявых і міжсалявых дэвонскіх адкладах у 1975 годзе.
Па паверхні фундамента і падсалявых адкладах Усходне-Вятчынскае падняцце — блок-монакліналь, які ўздымаецца на паўднёвы захад і абмежаваны з трох бакоў малаамплітуднымі (да 200 м) разрыўнымі парушэннямі. Памеры 3,5×5 км, амплітуда да 400 м. Мінімальныя адзнакі паверхні фундамента ў галаўной частцы блока -2600 м, падсалявых адкладаў -1800 м. Структурны план паверхні міжсалявых адкладаў у агульных рысах адпавядае структурнаму плану падсалявых адкладаў. Мінімальная адзнака ў найбольш прыўзнятай частцы падняцця -1300 м, амплітуда 200—300 м. Па паверхні верхнефаменскай саляноснай тоўшчы не выдзяляецца.
Літаратура
[правіць | правіць зыходнік]- Усходне-Вятчынскае падняцце // Энцыклапедыя прыроды Беларусі. У 5-і т. Т. 5. Стаўраструм — Яшчур / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1986. — 583 с., іл. — 10 000 экз.