ФК Бешыкташ

Бешыкташ
Бешыкташ
Поўная назва	турэцк.: Beşiktaş Profesyonel Futbol Takımı
Мянушкі	турэцк.: Kara Kartallar (Чорныя Арлы)
Заснаваны	1903
Горад	Стамбул, Турцыя
Стадыён	Вадафон Парк; Умяшчальнасць: 43 500
Прэзідэнт	Ахмет Нур Чэбі[d]
Галоўны трэнер	Серген Ялчын[d];
Чэмпіянат	Суперліга
2018/19	3 месца
Сайт	Афіцыйны сайт

«Бешыкташ» (турэцк.: Beşiktaş Profesyonel Futbol Takımı) — турэцкі футбольны клуб, які ўваходзіць у аднайменнае спартовае аб’яднанне «Бешыкташ». Ён грунтуецца ў Стамбуле ў гарадскім раёне Бешыкташ каля Басфора, бліз палаца Долмабахчэ. Гэта адзіны турэцкі клуб, на эмблеме якога намаляваны сцяг краіны, бо «Бешыкташ» 16 мая 1952 года выступаў у статусе нацыянальнай каманды супраць зборнай Грэцыі ^[1]^[2]. За гэта Турэцкая футбольная федэрацыя дазволіла «Бешыкташу» размясціць на эмблеме клуба выяву нацыянальнага сцяга. Колеры клуба: чорна-белыя.

Гісторыя[правіць | правіць зыходнік]

Раннія гады[правіць | правіць зыходнік]

«Бешыкташ» быў створаны ў 1903 годзе ў позні перыяд існавання Асманскай імперыі. Група з 22 маладых людзей сабраліся ў пэўны днень каб заняцца цялеснымі практыкаваннямі ў раёне Бешыкташ. Яны пачалі займаццца ўвосень 1902 года, у садзе маёнтка Асмана Пашы, які тады праходзіць службу ў медынскай гвардыі. Розныя спартыўныя мерапрыемствы, якімі займаліся маладыя людзі, уключалі ў сябе практыкаванні на турніку, паралельных брусах, барацьбу, цяжкую атлетыку і гімнастыку. Сярод удзельнікаў такі практыкаванняў былі сын Асман Пашы, Мехмет Шаміл і Хусейн Берэкет, і іншыя маладыя людзі. Султан Абдул-Хамід II меў тайных агентаў, якая хадзілі па горадзе, паведамляючы султану пра любыя мерапрыемствы і зборы, якія маглі несці палітычны характар. Гэтыя агенты даведаўшыся пра спартыўны гурт арыштавалі маладых людзей і павезлі ў паліцэйскі вучастак. Аднак напружаная сітуацыя хутка вырашылася, бо некаторыя з гэтых маладых людзей былі блізкія да палацавых афіцэраў.

Групе дазволелі працягваць свае практыкаванні, бо яны не гулялі ў футбол, які ў тыя дні быў забаронены ў Турцыі. На самай справе, Сехзадэ Абдулхалім, які меў дачыненне да султанскай адміністрацыі падтрымліваў заняткі юнакаў.

Гімнастычны клуб Берэкету быў заснаваны спецыяльным дазволам у 1903 годзе. Іхныя спартыўныя мерапрыемствы атрымалі большыя свабоды пасля стварэння канстытуцыйнай манархіі ў 1908 годзе. Пасля палітычных падзей 31 сакавіка 1909 года, Фуат Балкан і Мазгар Казанчы, якія былі ў Эдзірнэ, дайшлі ў Стамбул з рухам арміі. Пасля сцішэння палітычных падзей Фуат, які быў добрым трэнерам па фехтаванні, і Мазхар, які быў добрым штангістам і займаўся барацьбой, падтрымалі моладзь і атрымалі іхную згоду на ўдзел у спартыўных мерапрыемствах разам. Фуат Балкан зрабіў у сваім доме штаб-кватэру клуба, які тым часам атрымаў назву «Бешыкташ».

Першыя гады ў футболе[правіць | правіць зыходнік]

З ростам папулярнасці футболу ў Асманскай імперыі ў 1910 годзе, члены спартыўнага клуба «Бешыкташ» павольна пачалі больш увагі надаваць футболу. У жніўні 1911 года, Ахмет Шэрафецін Бей стварыў на базе клуба футбольную каманду. «Бешыкташ» не ўваходзіў у ніводную мясцовую лігу да 1918 года, калі яны атрымалі перамогу ў сваім першым чэмпіянаце адной з ліг Стамбула. У 1921 годзе яны атрымалі перамогу ў лізе яшчэ раз. У 1924 годзе, «Бешыкташ» разам з «Галатасараем» і «Фенербахчэ» ўтварылі чэмпіянат Стамбула.

Дасягненні[правіць | правіць зыходнік]

Турцыя[правіць | правіць зыходнік]

Чэмпіянат Турцыі:
- Чэмпіён (15): 1956/57, 1957/58, 1959/60, 1965/66, 1966/67, 1981/82, 1985/86, 1989/90, 1990/91, 1991/92, 1994/95, 2002/03, 2008/09, 2015/16, 2016/17
- Другое месца (14): 1962/63, 1963/64, 1964/65, 1967/68, 1973/74, 1984/85, 1986/87, 1987/88, 1988/89, 1992/93, 1996/97, 1998/99, 1999/00, 2006/07

Кубак Турцыі:
- Пераможца (9): 1975, 1989, 1990, 1994, 1998, 2006, 2007, 2009, 2011

Суперкубак Турцыі:
- Пераможца (8): 1967, 1974, 1986, 1989, 1992, 1994, 1998, 2006

Склад[правіць | правіць зыходнік]

Станам на студзень 2021 года.

№	Пазіцыя	Імя	Год нараджэння
2	Аб	Валентэн Расье	1996
4	Аб	Франсіска Мантэра	1999
5	ПА	Жазеф ды Соза	1989
7	ПА	Жорж-Кевен Н’Куду	1995
9	Нап	Гювен Ялчын	1999
10	ПА	Агузхан Азьякуп	1992
11	Нап	Тайлер Бойд	1994
12	Аб	Эрдаган Кая	2001
13	ПА	Атыба Хатчынсан	1983
14	Нап	Венсан Абубакар	1992
17	Нап	Кайл Лэрын	1995
18	Нап	Рашыд Гезаль	1992
19	ПА	Айдын Хасіч	2001
20	ПА	Неджып Уйсал	1991

№	Пазіцыя	Імя	Год нараджэння
21	Аб	Фабрыс Н’Сакала	1990
22	Нап	Адэм Ляіч	1991
23	Аб	Велінтан	1989
24	Аб	Дамагой Віда	1989
26	ПА	Дарухан Такёз	1996
30	Бр	Эрсін Дэстанаглу	2001
33	Аб	Рыдван Йылмаз	2001
43	ПА	Бернард Менса	1994
70	ПА	Гёкхан Цёрэ	1992
77	Нап	Джэрмейн Ленс	1987
97	Бр	Утку Ювакуран	1997
	ПА	Мухаер Актай	1999
	Аб	Доглас	1990
	Аб	Нікаля Ізіма-Мірэн	1991