Фернанду ды Мелу Віяна

Фернанду ды Мелу Віяна
парт.: Fernando de Mello Vianna
12-ы віцэ-прэзідэнт Бразіліі 15 лістапада 1926 — 24 кастрычніка 1930
Прэзідэнт	Вашынгтан Луіс
Папярэднік	Эстасіу Каімбра
Пераемнік	Вітал Суарыс (не заняў пасаду), Нерэу Рамус (1946)
Губернатар штата Мінас-Жэрайс 21 снежня 1924 — 7 верасня 1926
Папярэднік	Алегарыу Масіэл
Пераемнік	Антоніу Карлус
Нараджэнне	15 сакавіка 1878(1878-03-15) Сабара[d], штат Мінас-Жэрайс, Бразілія
Смерць	10 лютага 1954(1954-02-10) (75 гадоў) Рыа-дэ-Жанэйра, Старая Федэральная акруга[d], Бразілія
Імя пры нараджэнні	парт.: Fernando de Mello Vianna
Партыя	Рэспубліканская партыя Мінейра[d]
Адукацыя	Федэральны ўніверсітэт Мінас-Жэрайс[d]
Дзейнасць	палітык, адвакат
Медыяфайлы на Вікісховішчы

Ферна́нду ды Ме́лу Вія́на (парт.: Fernando de Mello Vianna; 15 сакавіка 1878, Сабара, Мінас-Жэрайс, Бразільская імперыя — 10 лютага 1954, Рыа-дэ-Жанэйра, Бразілія) — бразільскі адвакат і палітычны дзеяч, віцэ-прэзідэнт Бразіліі ў 1926—1930 гадах.

Мелу Віяна — другі мулат на пасадзе віцэ-прэзідэнта Бразіліі (пасля Нілу Песаньі).

Біяграфія

Фернанду атрымаў вышэйшую адукацыю на Юрыдычным факультэце Ору-Прэту, які скончыў у 1900 годзе. Працаваў пракурорам, адвакатам і суддзёй у Сак-ды-Эспаньі, Уберабе і іншых гарадах.

У 1919 годзе Мелу Віяна быў прызначаны генеральным пракурорам Мінас-Жэрайса, у 1922 годзе стаў міністрам унутраных спраў штата.

У жніўні 1924 года Мелу Віяна быў выбраны губернатарам Мінас-Жэрайса. Ён пакінуў гэту пасаду ў верасні 1926 года, каб заняць пасаду віцэ-прэзідэнта Бразіліі ва ўрадзе Вашынгтана Луіса, на якую быў выбраны ў сакавіку 1926 года.

Пасля перамогі рэвалюцыі ў 1930 годзе Мелу Віяна выехаў у Еўропу і жыў у эміграцыі на працягу 8 гадоў. Вярнуўшыся ў Бразілію, займаўся юрыдычнай практыкай. Пасля звяржэння Варгаса вярнуўся ў палітыку і быў выбраны сенатарам ад Сацыял-дэмакратычнай партыі. У 1954 годзе Мелу Віяна памёр у Рыа-дэ-Жанэйра.

Спасылкі

• Біяграфія Архівавана 5 сакавіка 2016. (парт.)