Франсішку Жазэ ды Ласерда-і-Алмейда

Франсішку Жазэ ды Ласерда-і-Алмейда
парт.: Francisco José de Lacerda e Almeida
Род дзейнасці	падарожнік-даследчык, матэматык, астраном
Дата нараджэння	22 жніўня 1753(1753-08-22)
Месца нараджэння	Сан-Паўлу, штат Сан-Паўлу, Бразілія, калоніі Партугаліі, Каралеўства Партугалія
Дата смерці	18 кастрычніка 1798(1798-10-18) (45 гадоў)
Месца смерці	Cazembe[d]
Грамадзянства	Каралеўства Партугалія
Альма-матар	Каімбрскі ўніверсітэт
Медыяфайлы на Вікісховішчы

Франсішку Жазэ ды Ласерда-і-Алмейда (парт.: Francisco José de Lacerda e Almeida; жнівень 1753, Сан-Паўлу, Каланіяльная Бразілія — 18 кастрычніка 1798) — партугальскі даследчык Афрыкі.

Скончыў Каімбрскі ўніверсітэт. У 1777 г. ён атрымаў доктарскую ступень па матэматыцы і астраноміі. Арганізаваў экспедыцыю для ўстанаўлення сувязі паміж тэрыторыямі Анголы і Мазамбіка па сушы і захопу раёнаў, якія ляжаць паміж гэтымі калоніямі. 3 ліпеня 1798 г. выйшаў з Тэтэ (Мазамбік) на паўночны-захад, прайшоў міма азёр Ньяса і Бангвеулу, пераправіўся цераз р. Чамбешы. У кастрычніку таго ж года дасягнуў усходняй часткі дзяржавы Лунда. Памёр падчас экспедыцыі. Экспедыцыя Ласерда-і-Алмейда, якая прайшла каля 1400 км у глыб кантынента, была першым вялікім падарожжам еўрапейцаў у цэнтральныя раёны Афрыкі на поўдзень ад экватара.

Дзённікі Ласерда-і-Алмейда, якія маюць вялікую геаграфічную і гісторыка-этнаграфічную каштоўнасць, былі апублікаваныя на партугальскай мове невялікімі накладамі ў 1830 і 1844 гг., на англійскай мове — у 1873 г.

Творы

• The lands of Cazembe. Lacerda's journey to Cazembe in 1798, — Londan, 1873.

Літаратура

• Советская историческая энциклопедия: [в 16 т.] / АН СССР, Институт истории. [Т.] 8: Кошала—Мальта. — М.: Советская энциклопедия, 1965. — 990 стлб., 6 л. ил. и карт.