Хведар Кажаневіч

Хведар Кажаневіч
Род дзейнасці	грамадскі і ваенны дзеяч
Дата нараджэння	14 лютага 1926(1926-02-14)
Месца нараджэння	Любель-Поль, гміна Пінкавічы[d], Пінскі павет, Палескае ваяводства, Польская Рэспубліка
Дата смерці	27 лютага 2007(2007-02-27) (81 год)
Месца смерці	Манчэстэр, бора Манчэстэр[d], Вялікі Манчэстэр, Паўночна-Заходняя Англія[d], Англія, Вялікабрытанія
Веравызнанне	БАПЦ
Член у	Згуртаванне беларусаў у Вялікай Брытаніі Згуртаванне беларускіх камбатантаў[d]
Бітвы/войны	Бітва пад Монтэ-Касіна (1944)

Хведар Кажаневіч (14 лютага 1926 — 27 лютага 2007) — беларускі грамадскі і ваенны дзеяч.

Біяграфія

Нарадзіўся 14 лютага 1926 г. у вёсцы Любель-Поль, гміна Пінкавічы, Пінскі павет, Палескае ваяводства ў Польскай Рэспубліцы.

Падчас Другой сусветнай вайны у 1940 г. разам з бацькамі быў дэпартаваны на катаргу ў раён Архангельску. У 1942 г. каб уратаваць сваё жыццё і сям’ю запісаўся да Арміі Андэрса. Прайшоў Іран, Палестыну, Італію. Удзельнік бітвы за Монтэ-Касіна, за што меў узнагароду.

У 1946 г. прыбыў у Вялікабрытанію. Ад 19 студзеня 1947 быў сябрам Згуртавання беларусаў у Вялікабрытаніі. Першыя гады жыў у Брадфардзе (Ёркшыр), потым перабраўся ў Манчэстэр, дзе працаваў інспектарам транспарту. Быў актывістам і доўгагадовым старшынём аддзелу ЗБВБ у Манчэстэры. Ад 1949 г. быў сябрам Згуртавання беларускіх камбатантаў. Адзін з арганізатараў беларускай суботняй школкі ў Манчэстэры, старшыня бацькоўскага камітэта. Адзін з ініцыятараў стварэння Беларускага клуба ў Манчэстэры, выконваў абавязкі яго скарбніка. Быў сябрам Рады БАПЦ у Вялікабрытаніі. На ягоных плячах трымалася беларускае жыццё ў графстве Ланкашыр.

Напісаў прадмову да кнігі «Беларусы ў бітве за Монтэ-Касіна».

Памёр 27 лютага 2007 г. у Манчэстэры.

Літаратура

• Беларусы ў бітве за Монтэ-Касіна: артыкулы, дакумэнты / [уклад. Ю. Грыбоўскі; прадм. Х. Кажаневіча]. — Мн.: Кнігазбор, 2006. — 121, [1] с., [4] л. іл. — С. 53 — 102. — (Бібліятэка Бацькаўшчыны; Кн. 2). — ISBN 985-6824-28-1.

Спасылкі

• Наша Ніва. Памёр Хведар Кажаневіч — адзін з апошніх жаўнераў, якія штурмавалі Монтэ-Касіна