Хведар Нюнька

З пляцоўкі Вікіпедыя
Перайсці да: рух, знайсці
Хведар Якубавіч Нюнька
Chwiedar Niuńka.jpg
Старшыня Таварыства беларускай культуры ў Літве
4.2.1989 — 29.9.2014
Папярэднік: пасада заснавана
Пераемнік: Васіль Акуневіч
Член Прэзідыума Рады БНР
з 1997
 
Нараджэнне: 6 красавіка 1928(1928-04-06) (89 гадоў)
Вёска Алешавічы, Мастоўскі сельсавет, Мастоўскі раён, Беларусь

Хве́дар Якубавіч Ню́нька (нар. 6 красавіка 1928, в. Алешавічы, гміна Каменка, Гродзенскі павет, Беластоцкае ваяводства, Польшча, цяпер Мастоўскі раён Беларусі) — беларускі грамадска-культурны дзеяч у Літве. Старшыня Таварыства беларускай культуры ў Літве (4.2.1989 — 29.9.2014).

Біяграфія

Нарадзіўся ў вёсцы Алешавічы ў гміне Каменка ў Заходняй Беларусі, што тады ўваходзіла ў склад Польшчы. Быў другім пасля сястры дзіцём у беднай сялянскай сям'і (2,5 гектары зямлі). Атрымаўшы ў Мастах зямлю і лес ад мясцовага землеўладальніка, ягоны бацька Якуб збудаваў там дом з крамай тканіны і харчавання. У 1936 годзе праз перашкоды мясцовага фабрыканта сям'я пераехала на кватэру ў Шчучын, дзе бацька наладзіў гуртавы збыт сшыткаў у школы.

За савецкім часам, напэўна, няблага забяспечаны. Паводле ўласных успамінаў, у 1954 годзе купіў новы аўтамабіль «Пабеда», а падчас Перабудовы зарабляў 1000 рублёў па акорднай сістэме[1].

На пасяджэнні Рады ТБК 29.9.2014 года Хведару Нюньку быў выказаны недавер і прыпынена яго старшынства ў арганізацыі[2]. Агульны сход ТБК 17.1.2015 года выключыў Хведара Нюньку з шэрагаў арганізацыі[3]

Сярод прычын выступоўцы на сходзе адзначалі распачатыя супраць Хведара Нюнькі крымінальныя справы па эканамічных парушэннях з нерухомай[4] і фінансавай[5] маёмасцю ТБК, а таксама тое, што за 25 гадоў старшынства Х. Нюнькі арганізацыя не ўздымала пытанне генацыду беларусаў у Літве да якога, на думку прамоўцаў, датычны літоўскі савецкі функцыянер Уладас Нюнка[ru][6].

Судовае пасяджэнне па справе дамоў, дзе Х. Нюнька адказчык, адбылося 21 верасня 2016 года[7]. Віленскі акружны суд сваім рашэннем ад 7 снежня 2016 года паставіў апошнюю кропку ў судовай справе. Адкінутыя ўсе абвінавачанні ў адносінах да асобы Хведара Нюнькі і ў якасці кампенсацыі суд прысудзіў выплаціць на яго карысць 3000 еўра[8].

Зноскі

Літаратура

Спасылкі