Чарнаморская акруга (СССР)
| Чарнаморская акруга | |
|---|---|
| Краіна |
 СССР |
| Статус | акруга |
| Уваходзіць у |
Кубана-Чарнаморская вобласць, Паўднёва-Усходняя вобласць, Паўночна-Каўказскі край |
| Адміністрацыйны цэнтр | Новарасійск |
| Дата ўтварэння | 1920—1930 |
| Дата скасавання | 30 ліпеня 1930 |
| Насельніцтва (1926) | 291 437[1] |
| Плошча | 9 415 км² |
Чарнаморская акруга — адміністрацыйна-тэрытарыяльная адзінка ў РСФСР на захадзе Паўночнага Каўказа, якая існавала ў 1920—1930 гадах.[2] Цэнтр акругі — горад Новарасійск.
Гісторыя
[правіць | правіць зыходнік]Чарнаморская акруга была ўтворана 11 мая 1920 года ў складзе Кубана-Чарнаморскай вобласці на тэрыторыі былой Чарнаморскай губерні. Цэнтрам акругі быў прызначаны горад Новарасійск. Першапачаткова акруга падзялялася на 8 воласцей: Адлерскую, Гагрынскую, Геленджыкскую, Джубгскую, Лазараўскую, Новарасійскую, Сочынскую і Туапсінскую.
30 чэрвеня 1920 года Гагрынская воласць была перададзена Сухумскай акрузе Грузіі, а Чарнаморская акруга была падзелена на 2 аддзелы: Новарасійскі і Туапсінскі.
20 лістапада 1920 года пасля ліквідацыі Таманскага аддзела да Чарнаморскай акругі былі далучаны горад Анапа з прылеглымі паселішчамі. На гэтай тэрыторыі была ўтворана Анапская воласць Новарасійскага аддзела.
18 мая 1922 года Новарасійскі і Туапсінскі аддзелы былі скасаваны, воласці ўвайшлі ў непасрэднае падпарадкаванне акрузе.
26 студзеня 1923 года акруга была адзелена на 5 раёнаў: Анапскі, Геленджыкскі, Новарасійскі, Сочынскі, Туапсінскі.
2 чэрвеня 1924 года Чарнаморская акруга ўвайшла ў склад Паўднёва-Усходняй вобласці, з 16 лістапада 1924 года — у складзе Паўночна-Каўказскага края.
У верасні 1924 года з часткі тэрыторыі Туапсінскага раёна быў утвораны Шапсугскі нацыянальны раён з цэнтрам у горадзе Туапсэ.
10 кастрычніка 1925 года з Кубанскай акругі ў Чарнаморскую быў перададзены Крымскі раён.
27 лютага 1930 года з часткі тэрыторыі Крымскага раёна і Абінскага раёна Кубанскай акругі быў створаны Грэчаскі нацыянальны раён з цэнтрам у горадзе Крымск.
30 ліпеня 1930 Чарнаморская акруга, як і большасць астатніх акруг СССР, была скасавана. Яе раёны адышлі ў непасрэднае падпарадкаванне Паўночна-Каўказскага края.
Насельніцтва
[правіць | правіць зыходнік]Насельніцтва акругі ў 1926 годзе складала 291 437[1] чалавек (у тым ліку гарадское — 112 467 чал.). З іх: украінцы — 37,5%; рускія — 34,7%; армяне — 10,0%; грэкі — 5,5%; малдаване — 2,2%; беларусы — 1,8%; чаркесы — 1,5%; грузіны — 1,3%; немцы — 1,1%.
Зноскі
- ↑ а б Усесаюзны перапіс насельніцтва 1926 г.(недаступная спасылка). Архівавана з першакрыніцы 4 сакавіка 2016. Праверана 27 жніўня 2010.
- ↑ Геаграфічна — на паўднёвых схілах Галоўнага Каўказскага хрыбта, на Чарнаморскім узбярэжжы Каўказа.
Літаратура
[правіць | правіць зыходнік]- Основные административно-территориальные преобразования на Кубани (1793—1985 гг.) / Сост.: А. С. Азаренкова, И. Ю. Бондарь, Н.С. Вертышева. — Краснодар: Краснодарское кн. изд-во, 1986. — 394 с.