Менам-Чао-Прая

Менам-Чао-Прая
lang-th แม่น้ำเจ้าพระยา
Характарыстыка
Даўжыня	каля 1200 км
Басейн	каля 150 000 км²
Вадацёк
Выток
• Каардынаты	15°42′02″ пн. ш. 100°08′27″ у. д.
Вусце	Сіямскі заліў
• Вышыня	0 м
• Каардынаты	13°32′25″ пн. ш. 100°35′23″ у. д.
Размяшчэнне
Водная сістэма	Паўднёва-Кітайскае мора → Ціхі акіян
Краіна	Тайланд
— выток, — вусце
Медыяфайлы на Вікісховішчы

Менам-Чао-Прая, Менам, Чаўпхрая (тайск.: แม่น้ำเจ้าพระยา) — рака на паўвостраве Індакітай, самая вялікая ў Тайландзе.

Даўжыня каля 1200 км (ад вытоку галоўнага прытока — ракі Пінг — 1500 км), плошча вадазбору каля 150 тыс. км².

Пачынаецца ў гарах на поўначы краіны, цячэ па Менамскай нізіне, упадае ў Сіямскі заліў Паўднёва-Кітайскага мора, утварае дэльту.

Жыўленне дажджавое, рэжым мусонны. Паўнаводная летам, сярэдні расход вады ў ніжнім цячэнні каля 2700 м³/с.

Выкарыстоўваецца пераважна для арашэння рысавых палёў. Вядзецца рыбалоўства. Суднаходная на 400 км (ад вусця ракі Пінг), у паводкі на 750 км (ад горада Утарадыт). Сплаўная. У дэльце ракі — горад Бангкок.

Літаратура

• Менам-Чао-Прая // Беларуская энцыклапедыя: У 18 т. Т. 10: Малайзія — Мугаджары / Рэдкал.: Г. П. Пашкоў і інш. — Мн. : БелЭн, 2000. — Т. 10. — С. 283. — 10 000 экз. — ISBN 985-11-0035-8. — ISBN 985-11-0169-9 (т. 10).