Шпіталь Сясцёр Міласэрнасці (Асвея)

Славутасць
Шпіталь Сясцёр Міласэрнасці
56°00′49″ пн. ш. 28°06′49″ у. д.
Краіна	Беларусь
Гарадскі пасёлак	Асвея
Дата пабудовы	1759 год
Статус	Гісторыка-культурная каштоўнасць Беларусі, шыфр 213Г000224
Стан	У будынку дзейнічае бальніца

Шпіталь Сясцёр Міласэрнасці — помнік архітэктуры XVIII стагоддзя. Пабудаваны ў 1759 годзе пры манастыры міласэрных сясцёр.

У будынку знаходзіцца бальніца. Ён занесены ў Дзяржаўны спіс гісторыка-культурных каштоўнасцей Рэспублікі Беларусь як аб'ект гісторыка-культурнай спадчыны рэспубліканскага значэння.

Архітэктура

Скляпенні ў падвале

П-падобны ў плане аднапавярховы мураваны будынак накрыты двухсхільным дахам. Планіроўка ў сярэдняй частцы калідорная, у крылах галерэйная. Першапачатковая планіроўка змененая ў 1928—29 гг., часткова збераглася ў левым крыле, над якім знаходзіцца паўпадвальны паверх. Калідор перакрыты цыліндрычным скляпеннем на распалубках, паўпадвал — цыліндрычнымі скляпеннямі, у астатніх памяшканнях столь плоская.

Літаратура

• Архітэктура Беларусі: Энцыклапедычны даведнік. — Мн.: БелЭн, 1993. — 620 с. — ISBN 5-85700-078-5.
• Габрусь Т. В. Мураваныя харалы: Сакральная архітэктура беларускага барока / Т. В. Габрусь. — Мн.: Ураджай, 2001. — С. 265. — 287 с.: іл. ISBN 985-04-0499-X

Спасылкі

• Шпіталь Сясцёр Міласэрнасці (Асвея) на сайце Radzima.org
• Шпіталь Сясцёр Міласэрнасці (Асвея) на сайце Глобус Беларусі (руск.)
• Шпіталь Сясцёр Міласэрнасці (Асвея) на сайце «Архіварта»