Яўхім Герцавіч Шулякоўскі

Яўхім Герцавіч Шулякоўскі
Дата нараджэння	29 снежня 1906(1906-12-29)
Месца нараджэння	Слуцк, Слуцкі павет, Мінская губерня, Расійская імперыя
Дата смерці	27 лютага 1984(1984-02-27) (77 гадоў)
Месца смерці	Варонеж, Варонежская вобласць, РСФСР, СССР
Род дзейнасці	гісторык, педагог
Месца працы	Інстытут гісторыі партыі пры ЦК КПБ ЛДУ Уральскі дзяржаўны ўніверсітэт імя А. М. Горкага Варонежскі дзяржаўны ўніверсітэт[d]
Навуковая ступень	кандыдат гістарычных навук (1940)
Навуковае званне	дацэнт
Альма-матар	педагагічны факультэт БДУ (1931)

Яўхім Герцавіч Шулякоўскі (руск.: Ефим Герцович Шуляковский; 29 снежня 1906, Слуцк Мінскай губерні — 27 лютага 1984, Варонеж) — савецкі гісторык, педагог. Кандыдат гістарычных навук (1940), дацэнт.

Біяграфія

Пасля заканчэння педагагічных курсаў — настаўнік пачатковай школы (1925—1927). Скончыў сацыяльна-гістарычнае аддзяленне педагагічнага факультэта Беларускага ўніверсітэта (1931). Навуковы супрацоўнік Інстытута гісторыі партыі пры Цэнтральным Камітэце Камуністычнай партыі (бальшавікоў) Беларускай ССР (1931—1937), аспірант кафедры гісторыі СССР Ленінградскага дзяржаўнага ўніверсітэта (1937—1940). Дацэнт кафедры гісторыі СССР, дэкан гісторыка-філалагічнага факультэта Свярдлоўскага ўніверсітэта (1940—1941).

Удзельнік Вялікай Айчыннай вайны.

Загадчык (1946—1966), дацэнт (1966—1977) кафедры гісторыі СССР, дацэнт кафедры гістарыяграфіі і крыніцазнаўства (1977—1982), дэкан гісторыка-філалагічнага факультэта Варонежскага дзяржаўнага ўніверсітэта (1947—1949, 1951—1953).

Навуковая дзейнасць

Аўтар прац пра рускіх рэвалюцыйных дэмакратаў і манаграфіі «В. И. Ленин и трудящиеся Черноземного Центра» (Варонеж, 1977). Шулякоўскі ўнёс значны ўклад у арганізацыю краязнаўчых даследаванняў. Ініцыятар і рэдактар двухтомніка «Нарысы гісторыі Варонежскага краю» (Варонеж, 1961, 1967). Навуковы рэдактар шэрагу зборнікаў архіўных дакументаў, выдадзеных у Варонежы (1950-1960-я гады).

Спасылкі

• ШУЛЯКОВСКИЙ Ефим Герцович(недаступная спасылка)