Эдуард Джабеевіч Какойты

Эдуард Джабеевіч Какойты
ас.: Кокойты Джабейы фырт Эдуард
2-і Прэзідэнт Рэспублікі Паўднёвая Асеція 18 снежня 2001 — 10 снежня 2011
Папярэднік	Людвіг Аляксеевіч Чыбіраў
Пераемнік	Вадзім Уладзіміравіч Броўцаў (в. а.) Леанід Харытонавіч Цібілаў
В. а. прэм'ер-міністра Рэспублікі Паўднёвая Асеція 14 жніўня 2003 — 17 верасня 2003
Папярэднік	Герасім Георгіевіч Хугаеў
Пераемнік	Ігар Віктаравіч Санакоеў
Нараджэнне	31 кастрычніка 1964(1964-10-31) (61 год) Цхінвалі, Паўднёва-Асецінская аўтаномная вобласць[d], Грузінская ССР, СССР
Дзеці	трое
Грамадзянства	СССР  Паўднёвая Асеція
Веравызнанне	праваслаўе
Партыя	Паўднёва-Асецінская Рэспубліканская палітычная партыя «Адзінства»
Адукацыя	Паўднёва-Асецінскі педагагічны інстытут
Прафесія	Настаўнік фізкультуры
Узнагароды	Ордэн «Уацамонга» Ордэн Гонар і слава I ступені Ордэн Рэспублікі (ПМР)
Медыяфайлы на Вікісховішчы

Эдуа́рд Джабе́евіч КАКО́ЙТЫ (асец. Кокойты Джабейы фырт Эдуард) — прэзідэнт Рэспубліка Паўднёвая Асеція, прарасійскі палітык, які імкнецца аб’яднаць Паўночную і Паўднёвую Асецію ў межах Расійскай Федэрацыі.

Нарадзіўся 31 кастрычніка 1964 года ў г. Цхінвалі. Скончыў сярэднюю школу № 5. Працаваў электраманцёрам у аддзяленні сувязі. У 1980 г. стаў чэмпіёнам Грузінскай ССР па вольнай барацьбе; майстар спорту. У 1983—1985 гг. праходзіў тэрміновую службу ў шэрагах Узброеных сіл СССР. Паступіў у Паўднёва-Асецінскі педагагічны інстытут, які скончыў у 1988 па спецыяльнасці «Выкладчык фізічнай культуры». У інстытуце быў абраны сакратаром камітэта камсамола, пасля чаго працаваў у камсамольскіх структурах. Падчас падзей грузінска-асецінскага супрацьстаяння (1990—1991) стварыў і ўзначаліў баявы атрад, які ваяваў супраць грузінскага войска. З 1990 па 1993 гг. — дэпутат Парламента РПА. У лютым 1997 года ўказам першага прэзідэнта РПА Людвіга Чыбірава быў прызначаны гандлёвым прадстаўніком РПА ў Расійскай Федэрацыі. Працаваў памочнікам дэпутата Дзярждумы Расійскай Федэрацыі ад Паўночнай Асеціі А А. Чэхоева. У выніку прэзідэнцкіх выбараў у лістападзе-снежні 2001 года стаў прэзідэнтам Паўднёвай Асеціі, перамогшы ў другім туры (53 % галасоў). У 2006 годзе пераабраны на другі тэрмін.

Жанаты, мае трох сыноў.

Спасылкі

• На Вікісховішчы ёсць медыяфайлы па тэме Эдуард Джабеевіч Какойты