Эмануэль Адэбаёр

Эмануэль Адэбаёр
Агульная інфармацыя
Поўнае імя	Эмануэль Шай Адэбаёр
Нарадзіўся	26 лютага 1984(1984-02-26) (35 гадоў) Ламэ, Прыморская вобласць[d], Тога
Грамадзянства	Тога
Рост	191 см
Вага	84 кг
Пазіцыя	нападнік
Інфармацыя пра клуб
Клуб	Кайсерыспор
Нумар	4
Кар’ера
Маладзёжныя клубы
1998 — 1999	Агаза
1999 — 2001	Мец
Клубная кар’ера*
2001 — 2003	Мец	44 (15)
2003 — 2006	Манака	79 (18)
2006 — 2009	Арсенал (Лондан)	104 (46)
2009 — 2012	Манчэстэр Сіці	34 (15)
2011	→  Рэал Мадрыд	14 (5)
2011 — 2012	→  Тотэнхэм Хотспур	33 (17)
2012 — 2015	Тотэнхэм Хотспур	59 (18)
2016	Крыстал Пэлас	12 (1)
2017 — 2019	Істанбул Башакшэхір	60 (24)
2019 —	Кайсерыспор
Нацыянальная зборная**
2000 —	Тога	87 (32)
* Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 27 жніўня 2019. ** Колькасць гульняў і галоў за нацыянальную зборную ў афіцыйных матчах, адкарэктавана станам на 27 жніўня 2019.

Эмануэ́ль Адэбаё́р (фр.: Emmanuel Adebayor; нар. 26 лютага 1984, Ламэ, Тога) — тагалезскі футбаліст, нападнік турэцкага клуба «Кайсерыспор» і нацыянальнай зборнай Тога. Удзельнік чэмпіянату свету 2006 і неаднаразовы ўдзельнік кубкаў афрыканскіх нацый.

Кар’ера

Клубная

Выступаў за англійскі «Арсенал» (2006—2009), за французскія клубы «Манака» (2003—2006) і «Мец» (2001—2003).

Нядрэнна дэбютаваў за «Мец» у сезоне 2001/02, але яшчэ мацней ён уразіў усіх у наступным сезоне, забіўшы 13 галоў. Такой гульнёй зацікавіў «Манака». З гэтым клубам дайшоў да фіналу Лігі чэмпіёнаў 2003/04, а таксама быў прызнаны лепшым тагалезскім іграком года.

За «Арсенал» дэбютаваў у матчы супраць «Бірмінгем Сіці», які кананіры выйгралі з лікам 2:0, а сам тагалезец забіў адзін з галоў. У сезоне 2006/07 Адэбаёр забіў 8 мячоў у складзе «Арсенала» і з сыходам Анры стаў галоўнай ударнай сілай свайго клуба. У маі 2007 года гулец падпісаў з «Арсеналам» доўгатэрміновы кантракт.

18 ліпеня 2009 года за 25 млн фунтаў перайшоў у «Манчэстэр Сіці», дзе адразу забіў 14 галоў у Прэм'ер-Лізе. Аднак у сезоне 2010/11 Адэбаёр перастаў трапляць у асноўны склад і ў студзені 2011 года быў аддадзены ў арэнду мадрыдскаму «Рэалу» да канца сезону з правам выкупу за 15 млн фунтаў.

25 жніўня 2011 года на правах арэнды перабраўся ў «Тотэнхэм Хотспур». 21 жніўня 2012 года «Тотэнхэм» выкупіў правы на іграка, сума здзелкі склала 5 млн фунтаў. 13 верасня 2015 кантракт паміж «шпорамі» і нападнікам быў разарваны.

У студзені 2016 года Адэбаёр падпісаў кантракт з іншым лонданскім клубам — «Крыстал Пэлас». У чэрвені 2016 года пакінуў «Крыстал Пэлас» па заканчэнні кантракта.

Пасля зыходу з «Крыстал Пэлас» паўгады заставаўся без клуба. У студзені 2017 года стаў іграком турэцкага клуба «Істанбул Башакшэхір», які пакінуў у чэрвені 2019 года. У жніўні 2019 года падпісаў аднагадовы кантракт з «Кайсерыспорам».

Міжнародная

За нацыянальную зборную Тога пачаў гуляць у 2000 годзе. Стаў сапраўдным героем краіны, забіўшы 11 галоў у афрыканскай кваліфікацыі на чэмпіянат свету 2006 і стаўшы яе найлепшым бамбардзірам, дзякуючы чаму зборная Тога ўпершыню ў сваёй гісторыі патрапіла на мундыяль. Нягледзячы на невялікі канфлікт з кіраўніцтвам зборнай на Кубку афрыканскіх нацый 2006, Эмануэль стаў капітанам зборнай.

Дасягненні

Рэал Мадрыд:

• Уладальнік Кубка Іспаніі: 2011

Спасылкі

• На Вікісховішчы ёсць медыяфайлы па тэме Эмануэль Адэбаёр
• Профіль на сайце transfermarkt.com (англ.) 
• Статыстыка на сайце National Football Teams (англ.) 
• Профіль на сайце by.tribuna.com (руск.) 
• Профіль на сайце soccerway.com (руск.) 
• Статыстыка на сайце UEFA.com (руск.) 
• Статыстыка на сайце FIFA (англ.) 
• Статыстыка на сайце soccerbase.com (англ.)