Эрвейн Мукам

Эрвейн Мукам
Агульная інфармацыя
Поўнае імя	Эрвейн Фердын Мукам Мекантсо
Нарадзіўся	24 мая 1994(1994-05-24) (25 гадоў) Манжо[d], дэпартамент Мунго[d], Прыбярэжны рэгіён, Камерун
Грамадзянства	Францыя
Рост	166 см
Вага	70 кг
Пазіцыя	паўабаронца
Інфармацыя пра клуб
Клуб	БАТЭ
Нумар	94
Кар’ера
Маладзёжныя клубы
2001 — 2007	Страсбур
2007 — 2012	Мец
Клубная кар’ера*
2012 — 2014	Мец B	59 (8)
2014 — 2016	Астэрас (Трыпаліс)	15 (0)
2016 — 2017	Алімпіякос (Волас)
2017 — 2018	Амневіль	13 (0)
2018	Нёман (Гродна)	15 (3)
2018 —	БАТЭ (Барысаў)	9 (1)
Нацыянальная зборная**
2009 — 2010	Францыя (да 16)	6 (3)
2010	Францыя (да 17)	2 (0)
* Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 24 снежня 2018. ** Колькасць гульняў і галоў за нацыянальную зборную ў афіцыйных матчах, адкарэктавана станам на 20 кастрычніка 2018.

Эрвейн Мукам (фр.: Hervaine Moukam; нар. 24 мая 1994, Манжо, Камерун) — французскі футбаліст камерунскага паходжання, паўабаронца беларускага клуба БАТЭ з Барысава.

Клубная кар’ера

Нарадзіўся ў Камеруна, аднак у дзіцячым узросце разам з бацькамі пераехаў у Францыю. У 2001—2007 гадах займаўся футболам у акадэміі «Страсбура», а ў верасні 2007 года перабраўся ў школу «Меца». Ва ўзросце 17 гадоў пачаў выступаць за другую каманду «Меца» ў чацвёртым дывізіёне Францыі, выступаў за яе на працягу двух гадоў, аднак за першую каманду так і не згуляў.

У 2014 годзе перабраўся ў Грэцыю, дзе спачатку выступаў за клуб Суперлігі «Астэрас», аднак не меў трывалага месца ў аснове. У сезоне 2016/17 гуляў за «Алімпіякос» з Воласа ў трэцім дывізіёне Грэцыі. У кастрычніку 2017 года вярнуўся ў Францыю, далучыўшыся да аматарскага клуба «Амневіль».

У пачатку 2018 года прыбыў на прагляд у беларускі клуб «Нёман» з Гродна і ў сакавіку падпісаў з ім кантракт. Спачатку ў асноўным выхадзіў на замену, але неўзабаве замацаваўся ў стартавым складзе і стаў адным з лідараў каманды. У жніўні 2018 года перайшоў у барысаўскі БАТЭ. У складзе БАТЭ з’яўляўся на полі нерэгулярна, гуляў пераважна ў чэмпіянаце Беларусі, у Лізе Еўропв толькі аднойчы выйшаў на замену.

Міжнародная кар’ера

У 2009—2010 гадах выступаў за юнацкую зборную Францыі.

Спасылкі

• Профіль на афіцыйным сайце БАТЭ(руск.) 
• Профіль на афіцыйным сайце «Нёмана» (руск.) 
• Профіль на сайце transfermarkt.com (англ.) 
• Статыстыка на сайце footballfacts.ru (руск.) 
• Профіль на сайце by.tribuna.com (руск.) 
• Профіль на сайце soccerway.com (руск.) 
• Профіль на сайце teams.by (руск.) 
• Профіль на сайце pressball.by (руск.)