Эрык Гунар Асплунд

Gunnar Asplund

Эрык Гунар А́сплунд (шведск.: Erik Gunnar Asplund, 22 верасня 1885, Стакгольм — 20 кастрычніка 1940) — шведскі архітэктар.

Біяграфія

Вучыўся ў Каралеўскім тэхналагічным інстытуце і ў Акадэміі мастацтваў у Стакгольме да 1909 года.

Збудаванні Асплунда 1920-х гадоў (Гарадская бібліятэка ў Стакгольме, 1924-1927) — узоры неакласіцызму.

У 1930-я гады пачынальнік функцыяналізму ў Швецыі (Бактэрыялагічны інстытут у Стакгольме, 1933-1937).

Асплунд спалучаў класічную раўнавагу кампазіцыйных вырашэнняў будынкаў і ансамбляў з выкарыстаннем сучасных канструкцый і будаўнічых матэрыялаў.

Галерэя

• 

  Кінатэатр Skandia, Стакгольм

• 

  Гарадская бібліятэка ў Стакгольме, 1924-1927

• 

  Ратуша ў Гётэбаргу

• 

  Лясныя могілкі, Стакгольм

Літаратура

• Беларуская энцыклапедыя: У 18 т. Т.2: Аршыца — Беларусцы / Рэдкал.: Г. П. Пашкоў і інш. — Мн.: БелЭн, 1996. — 480 с. іл.

Спасылкі

• Гунар Асплунд на сайце музея сучаснага мастацтва (англ.) 
• Эрык Гунар Асплунд(англ.)  на сайце Find a Grave