Эўры

Эўры
	Герб
Краіна	Францыя
Рэгіён	Іль-дэ-Франс
Дэпартамент	Эсон
Каардынаты	48°37′26″ пн. ш. 2°25′46″ у. д.HGЯO
Кіраўнік	Франсіс Шуа[d]
Плошча	8,33 км²;
Вышыня цэнтра	53 м, 32 м, 95 м і 72 м
Водныя аб’екты	Сена
Насельніцтва	▼53 641 чал. (1 студзеня 2018);
Часавы пояс	UTC+1 і UTC+2
Паштовыя індэксы	91000
Афіцыйны сайт	evry.fr
	Медыяфайлы на Вікісховішчы

Эўры (фр.: Évry) — горад у Францыі ў рэгіёне Іль-дэ-Франс за 25 км на паўднёвы ўсход ад цэнтра Парыжа.

Гісторыя

У 1965 годзе Эўры стаў часткай французскай ініцыятывы «новага горада» і атрымаў цяперашнюю назву. Да гэтага ён быў вядомы як «Эўры-Пці-Бур» і налічваў усяго некалькі тысяч жыхароў. Калі Эўры быў толькі пабудаваны, аэрапорт Арлі быў асноўным міжнародным аэрапортам Францыі, і многія міжнародныя кампаніі стварылі ў ім свае галаўныя офісы. Аднак з пашырэннем аэрапорта Руасі ўсе буйныя кампаніі з’ехалі туды. Сярод нямногіх міжнародных кампаній, якія засталіся, — кампанія гатэляў і грамадскага харчавання «Accor» і сетка супермаркетаў «Carrefour». Хоць яны і маюць паштовы адрас у Эўры, геаграфічна яны знаходзяцца ў суседнім населеным пункце — у Куркуроне.

Транспарт

Эўры абслугоўваецца трыма чыгуначнымі станцыямі ўздоўж двух галін: Эўры-Валь-дэ-Сен, Эўры-Цэнтр Куркурон і Ле-Брас-дэ-Фер. Горад мяжуе на захадзе з аўтамагістралью A6, на поўдні з Нацыянальнай трасай 104, а Нацыянальная траса 7, якая праходзіць з поўначы на поўдзень, падзяляе горад на дзве часткі. Рака Сена пазначае ўсходнюю мяжу горада. У пачатку XXI стагоддзя быў пабудаваны новы порт для павелічэння грузапатоку барж.