Юзаф Будзіла

Юзаф Будзіла
харунжы мазырскі[d]
Дзейнасць	ваенны, мемуары
Бітвы	Вайна Рэчы Паспалітай з Маскоўскай дзяржавай 1609—1618 гадоў

Юзаф Будзіла (польск.: Józef Budziłło, руск.: Иосиф Будило) — ваенны дзеяч Рэчы Паспалітай, пісьменнік-мемуарыст XVII ст.

Біяграфія

Быў мазырскім харунжым, каралеўскім палкоўнікам і інш. 3 1607 года знаходзіўся ў лагеры Лжэдзмітрыя II. У вайну Рэчы Паспалітай з Расіяй 1609—1618 гадоў удзельнічаў у баях за Маскву 1611—1612, адзін з галоўных военачальнікаў польска-літоўскага гарнізона ў горадзе. Пасля здачы Масквы рускаму ваяводу Дз. Пажарскаму сасланы ў Ніжні Ноўгарад, у 1612—1619 гадах зняволены ў турму.

Творчасць

Яго дзённік «Гісторыя Дзмітрыя фальшывага» — важная дакументальная крыніца для вывучэння т.зв. смутнага часу. Як літаратурны помнік вылучаецца вобразнасцю мовы, дынамізмам у апісанні гістрычных падзей, яркімі аўтарскімі ацэнкамі, багаццем інфармацыйнага матэрыялу.

Творы

• Дневник событий, относящихся к Смутному времени (1603—1613 гг.), известный под именем истории ложного Дмитрия // Русская историческая библиотека. Санкт-Петербург, 1872. Т.1. Памятники, относящиеся к Смутному времени.

Літаратура

• Будзіла Юзаф // Культура Беларусі: энцыклапедыя / рэдкал.: Т. У. Бялова (гал. рэд.) [і інш.]. — Мн.: Беларус. Энцыкл. імя П. Броўкі, 2011. — Т. 2. — 544 с. — 3 000 экз. — ISBN 978-985-11-0570-6.