Яская дыяцэзія

З пляцоўкі Вікіпедыя
Jump to navigation Jump to search
Яская дыяцэзія
лац.: Dioecesis Iasensis
Catedrala catolica din iasi.jpgCatedrala catolica din iasi.jpgКафедральны сабор Святой Марыі Царыцы
Лацінскі абрад
Галоўны горад Ясы
Краіна Flag of Romania.svg Румынія
Дата заснавання 1844
Кафедральны сабор Кафедральны сабор Святой Марыі Царыцы
Мітраполія Бухарэсцкая архідыяцэзія
Прыходаў 130
Іерарх Петру Гергель
Плошча дыяцэзіі
  • 46 378 км²[1]
Насельніцтва дыяцэзіі 4 762 085 чал.
Колькасць каталікоў 255 798 чал.
Доля каталікоў 5,4 %
Афіцыйны сайт ercis.ro

Яская дыяцэзія (лац.: Dioecesis Iasensis, рум.: Dieceza Romano-Catolică de Iași) — каталіцкая дыяцэзія лацінскага абраду з цэнтрам у горадзе Ясы, Румынія.

Гісторыя[правіць | правіць зыходнік]

Былы кафедральны сабор Унебаўзяцця Найсвяцейшай Дзевы Марыі

27 чэрвеня 1884 года папа Леў XIII заснаваў Яскую дыяцэзію на аснове былога апостальскага вікарыята Малдавіі[2]. У Яскую дыяцэзію ўваходзіла тэрыторыя поўначы сучаснай Румыніі і большая частка тэрыторыі сучаснай Малдовы.

Першапачаткова дыяцэзія знаходзілася ў прамым падпарадкаванні Святому Прастолу, з утварэннем у 1930 годзе Бухарэсцкай мітраполіі падпарадкавана ёй. Пасля ўваходжання Малдовы ў склад СССР юрысдыкцыя Яскай дыяцэзіі дэ-факта распаўсюджвалася толькі на поўнач Румыніі. У 1993 годзе гэта было замацавана юрыдычна з утварэннем на тэрыторыі незалежнай Малдовы апостальскай адміністратуры, ператворанай у 2001 годзе ў Кішынёўскую дыяцэзію.

17 мая 2014 года быў беатыфікаваны біскуп яскі Антон Дурковічы (англ.), які памёр у турме ў 1951 годзе падчас ганенняў камуністычнага рэжыму на Каталіцкую царкву[3].

Сучасны стан[правіць | правіць зыходнік]

Тэрыторыя дыяцэзіі на паўночным усходзе, вылучана жоўтым

З 1990 года дыяцэзію ўзначальвае біскуп Петру Гергель. Кафедральным саборам дыяцэзіі доўгі час служыў сабор Унебаўзяцця Найсвяцейшай Дзевы Марыі ў Ясах, але ў 2005 годзе ў горадзе быў асвячоны новы сабор Святой Марыі Царыцы, куды была перанесена біскупская кафедра. Статус сабора акрамя двух вышэйпералічаных таксама мае сабор Наведзінаў ў горадзе Бакэу, былы кафедральны сабор скасаванай Бакэўскай дыяцэзіі. На тэрыторыі дыяцэзіі размешчана адна з 4 малых базілік Румыніі — базіліка Качыкі ў жудзецы Сучава[4].

Яская дыяцэзія з'яўляецца суфраганнай у адносінах да Бухарэсцкія архідыяцэзіі. У адрозненне ад трох іншых падпарадкаваных Бухарэсту дыяцэзій — Арадзьскай, Сату-Марскай і Тымішаарскай, дзе большасць каталікоў складаюць этнічныя венгры, у Яскай дыяцэзіі большасць каталікоў — этнічныя румыны.

Паводле даных на 2006 год дыяцэзія налічвала 255 798 вернікаў, 130 парафій і 364 святары[2].

Зноскі

Спасылкі[правіць | правіць зыходнік]