Яўген Вячаслававіч Абаленскі

Яўген Вячаслававіч Абаленскі
Дэпутат Палаты прадстаўнікоў Нацыянальнага сходу Рэспублікі Беларусь з 27 кастрычніка 2008
Прэзідэнт	Аляксандр Лукашэнка
Нараджэнне	30 сакавіка 1973(1973-03-30) (53 гады) Салігорск, Салігорскі раён, Мінская вобласць, Беларуская ССР, СССР
Грамадзянства	Беларусь
Адукацыя	БНТУ Маскоўскі дзяржаўны адкрыты ўніверсітэт імя В. С. Чарнамырдзіна[d] Акадэмія кіравання пры Прэзідэнце Рэспублікі Беларусь
Месца працы	Беларуськалій

Яўген Вячаслававіч Абаленскі (нар. 30 сакавіка 1973(1973-03-30), Салігорск, Мінская вобласць) — беларускі палітык і электрык. Дэпутат Палаты прадстаўнікоў Нацыянальнага сходу Рэспублікі Беларусь чацвёртага склікання.

Біяграфія

Нарадзіўся 30 сакавіка 1973 года ў Салігорску.

Скончыў Беларускую дзяржаўную політэхнічную акадэмію па спецыяльнасці «Інжынер-электрык»; Маскоўскі дзяржаўны адкрыты ўніверсітет па спецыяльнасці «Горны інжынер-электрык»; Акадэмію кіравання пры Прэзідэнце Рэспублікі Беларусь па спецыяльнасці «Спецыяліст у галіне дзяржаўнага кіравання».

Працаваў электраслесарам (слесарам) дзяжурным па рамонце абсталявання, майстрам змены, намеснікам начальніка ўчастка пад’ёму № 2 Чацвёртага рудаўпраўлення рэспубліканскага ўнітарнага прадпрыемства «Беларуськалій» у г. Салігорску.

З’яўляўся дэпутатам Салігорскага гарадскога Савета дэпутатаў дваццаць чацвёртага склікання, намеснікам старшыні Салігорскага раённага Савета дэпутатаў, дэпутатам Мінскага абласнога Савета дэпутатаў дваццаць пятага склікання. Быў дэпутатам Палаты прадстаўнікоў Нацыянальнага сходу Рэспублікі Беларусь чацвёртага склікання ад Салігорскай гарадской выбарчай акругі № 68, з’яўляўся старшынёй Пастаяннай камісіі Палаты прадстаўнікоў па прамысловасці, паліўна-энергетычным комплексе, транспарце і сувязі.

У цяперашні час працуе дырэктарам навукова-вытворчага рэспубліканскага ўнітарнага прадпрыемства «Белгазтэхніка».

Жанаты, мае дзвюх дачок.

Спасылкі

• Яўгеній Вячаслававіч Абаленскі Архівавана 13 верасня 2016.