Яўген Дзмітрыевіч Белаенка

Яўген Дзмітрыевіч Белаенка
Дата нараджэння	9 лістапада 1947(1947-11-09)
Месца нараджэння	Мурманск, Мурманская вобласць, РСФСР, СССР
Дата смерці	8 снежня 2006(2006-12-08) (59 гадоў)
Месца смерці	Мінск, Беларусь
Месца пахавання	Усходнія могілкі
Грамадзянства	Беларусь
Род дзейнасці	урач, траўматолаг, артапед
Навуковая сфера	траўматалогія, артапедыя, артралогія[d] і біятрыбалогія
Месца працы	Беларускі навукова-даследчы інстытут траўматалогіі і артапедыі[d]
Навуковая ступень	доктар медыцынскіх навук
Навуковае званне	акадэмік НАН Беларусі прафесар
Альма-матар	Мінскі медыцынскі інстытут (1972)
Узнагароды

Яўген Дзмітрыевіч Белаенка (1947—2006) — беларускі савецкі вучоны ў галіне траўматалогіі, артапедыі, артралогіі і біятрыбалогіі, акадэмік Нацыянальнай акадэміі навук Беларусі.

Біяграфія

Яўген Белаенка нарадзіўся 9 лістапада 1947 года ў Мурманску. Выпускнік СШ 19 Мінска 1964 года. У 1972 годзе ён скончыў Мінскі дзяржаўны медыцынскі інстытут. З 1975 года працаваў у Беларускім навукова-даследчым інстытуце траўматалогіі і артапедыі, прайшоўшы шлях да пасады яго дырэктара.

З’яўляўся аўтарам больш чым 200 навуковых работ, 21 вынаходак, 2 манаграфій ў галіне дыягностыкі і хірургічнага лячэння рэўмаартапедычных захворванняў, пераломаў, спартыўных траўм. Акрамя таго, стварыў новыя лекавыя прэпараты для павышэння зносаўстойлівасці суставаў. У 1992 годзе Белаенка абараніў доктарскую дысертацыю, а ў 1998 годзе яму было прысвоена званне заслужанага ўрача Беларусі. У 2000 годзе ён быў абраны членам-карэспандэнтам, а ў 2003 годзе — акадэмікам Нацыянальнай акадэміі навук Беларусі.

Памёр 8 снежня 2006 года, пахаваны на Усходніх могілках Мінска.

Спасылкі

• Яўген Дзмітрыевіч Белаенка ў базе даных «История белорусской науки в лицах» Цэнтральнай навуковай бібліятэкі імя Якуба Коласа НАН Беларусі (руск.)