Яўхім Ерамеевіч Сіроцін

Яўхім Ерамеевіч Сіроцін
руск.: Ефим Еремеевич Сиротин
Дата нараджэння	13 (25) кастрычніка 1888
Месца нараджэння	Салёнае Займішча[d], Чарнаярскі павет[d], Астраханская губерня, Расійская імперыя
Дата смерці	22 ліпеня 1949(1949-07-22) (60 гадоў)
Грамадзянства	Расійская імперыя  СССР
Род дзейнасці	фізік, выкладчык універсітэта, загадчык кафедры
Навуковая сфера	фізіка і матэматыка
Месца працы	МДУ Маскоўскі дзяржаўны тэхнічны ўніверсітэт імя М. Э. Баўмана БДУ Кастрамскі дзяржаўны ўніверсітэт імя М. А. Някрасава[d] Цвярскі дзяржаўны ўніверсітэт
Навуковая ступень	кандыдат фізіка-матэматычных навук
Навуковае званне	прафесар (1918)
Альма-матар	фізіка-матэматычны факультэт Маскоўскага дзяржаўнага ўніверсітэта[d] Саратаўская мужчынская гімназія[d] (1907)

Яўхім Ерамеевіч Сіро́цін (руск.: Сиротин Ефим Еремеевич; 13 кастрычніка 1888 — 22 ліпеня 1949 (у 1947)) — вучоны, фізік і матэматык, кандыдат фізіка-матэматычных навук, прафесар (1918).

Біяграфія

Нарадзіўся ў сяле Салёнае Займішча Чарнаярскага павета Астраханскай губерні. У 1907 годзе скончыў Саратаўскую гімназію, у 1913 годзе — фізіка-матэматычны факультэт Маскоўскага ўніверсітэта. У 1913—1914 гадах працаваў у ім у фізічнай лабараторыі, у 1914—1916 гадах у Маскоўскім вышэйшым тэхнічным вучылішчы асістэнтам кафедры фізікі. У 1916—1918 гадах выкладаў у Маскоўскім універсітэце, у 1918—1922 гадах прафесар кафедры фізікі Кастрамскога ўніверсітэта. З 1922 года Я. Е. Сіроцін у Беларускім дзяржаўным універсітэце на фізіка-матэматычным аддзяленні педагагічнага факультэта. Загадваў кафедрай фізікі і адначасова фізічнай лабараторыяй і кабінетам. У 1925 годзе быў камандзіраваны з мэтай навукова-педагагічнага ўдасканалення ў Кембыджскі ўніверсітэт. Тут ён пад кіраўніцтвам Э. Рэзерфорда вывучаў метады радыеактыўных вымярэнняў. З 1937 года Я. Е. Сіроцін у Калінінскім педагагічным інстытуце, дзе ў 1945—1949 гадах займаў пасаду загадчыка кафедры тэарэтычнай фізікі.

Навуковая дзейнасць

Аўтар навуковых прац па дыферэнцыяльных ураўненнях, матэматычных метадах у фізіцы.

Сярод апублікаванага:

• Центробежные силы в газе / Е. Е. Сиротин. — Минск, 1928.
• Асновы электратэхнікі: дапаможнік для прафтэхшкол і тэхнікумаў / рэдактар Я. Я. Сіроцін. — Мінск, 1931.

Літаратура

• Гусак А. А. Сіроцін Яўхім Ерамеевіч // Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн. : БелЭн, 2002. — Т. 14. — С. 413—414. — 10 000 экз. — ISBN 985-11-0035-8. — ISBN 985-11-0238-5 (т. 14).
• Первый костромской вуз: время, люди, судьбы / В. К. Сморчков. — Кострома: КГУ им. Н. А. Некрасова, 2013. — 500 с. — ISBN 978-5-7591-1396-6 (руск.)

Спасылкі

• Сіроцін Яўхім Ерамеевіч на сайце анлайн-энцыклапедыі «Беларусь у асобах і падзеях»
• Сиротин Ефим Еремеевич (руск.) // Партал «Выдающиеся математики Беларуси»
• Сиротин Ефим Еремеевич Архівавана 3 лютага 2022. (руск.) // Сайт БДМУ