Яўген Пятровіч Шабан

Яўген Пятровіч Шабан
Яўген Пятровіч Шабан
Асабістыя звесткі
Дата нараджэння	29 снежня 1936
Месца нараджэння	Калодзіна, Пастаўскі павет, Віленскае ваяводства, Польская Рэспубліка;
Дата смерці	30 ліпеня 1982 (45 гадоў)
Месца смерці	Віцебск, Віцебская вобласць, БССР, СССР;
Пахаванне	Паўночныя могілкі;
Грамадзянства	СССР; Беларусь;
Альма-матар	Беларуская дзяржаўная акадэмія мастацтваў;
Месца працы	Нацыянальны акадэмічны драматычны тэатр імя Якуба Коласа; Нацыянальны акадэмічны тэатр імя Янкі Купалы;
Прафесійная дзейнасць
Род дзейнасці	драматург, паэт, рэжысёр, акцёр
Мова твораў	беларуская

Яўге́н Пятро́віч Шаба́н (29 снежня 1936, вёска Калодзіна, Віленскае ваяводства, Польская Рэспубліка — 30 ліпеня 1982, Віцебск, БССР, СССР, пахаваны на Паўночных могілках у Мінску) — беларускі драматург, паэт, акцёр, рэжысёр.

Біяграфія[правіць | правіць зыходнік]

Нарадзіўся ў сялянскай сям'і. Скончыў акцёрскі факультэт Беларускага дзяржаўнага тэатральна-мастацкага інстытута (1958). Працаваў акцёрам, загадчыкам літаратурнай часткі Беларускага дзяржаўнага тэатра імя Я.Коласа ў Віцебску (1958—1965), рэжысёрам студыі Беларускага тэлебачання (1965—1976). У 1976—1980 гг. — загадчык літаратурнай часткі Беларускага дзяржаўнага акадэмічнага тэатра імя Я.Купалы.

Літаратурную працу пачаў у 1960 г. Выдаў зборнікі вершаў «Нарачанка» (1969), «Чырвоныя сумёты» (1977). Аўтар п'ес «Ракіроўка» (1975), «Прад'явіце пропуск» (1975), «Сіні снег» (пастаўлена ў 1975), «Шрамы» (апублікавана і пастаўлена ў 1977), «Чалавек з легенды» (з І.Ражковым, апублікавана і пастаўлена ў 1978), «Востраў Алены» (апублікавана і пастаўлена ў 1982), лібрэта тэлеоперы «Ранак» (пастаўлена ў 1968), сцэнарыя тэлефільма «І смех, і бяда» (пастаўлены ў 1973), тэлеспектакля «Вячэра» (пастаўлены ў 1980).

Зноскі

Літаратура[правіць | правіць зыходнік]

Яўген Пятровіч Шабан // Беларускія пісьменнікі: Біябібліяграфічны слоўнік. У 6 т. / пад рэд. А. І. Мальдзіса. — Мн.: Беларуская Энцыклапедыя, 1992—1995.