(Не)расстраляныя

(Не)расстраляныя — праект партала Тузін Гітоў, прысвечаны памяці рэпрэсаваных у 1930-х беларускіх творцаў^[1]. Падрыхтавана кніжнае выданне з музычным дадаткам, праведзены лекцыі з выступамі музыкаў у Мінску і прэзентацыі ў рэгіёнах.

Праект пакліканы вярнуць імёны і творы рэпрэсаваных дзеячаў беларускай культуры ў сучасны дыскурс. Падрыхтаванае да друку ўнікальнае выданне ўвабрала 18 гісторыяў жыцця рэпрэсаваных беларускіх літаратараў, больш за сто абраных твораў ды каля сотні архіўных фотаздымкаў, частка з якіх апублікаваная ўпершыню. Таксама да кнігі далучаны музычны CD-дадатак з песнямі на словы герояў праекту. Аб’ём кнігі — больш за 300 старонак. Аздабленнем выдання займалася дызайнерка Наста Шастак.

Над выданнем працавалі знаныя даследчыкі літаратуры і культуры, якія ўпершыню ў гісторыі сучаснай Беларусі падрыхтавалі і прачыталі адкрытыя лекцыі пра герояў гэтага праекту. 12 лекцыяў прайшлі ў 2017 годзе ў кнігарні «Логвінаў». Увосень 2018 году ў межах праекту ў кнігарні «Логвінаў» адбыліся 6 новых лекцыяў. Прэзентацыі праекту з адкрытымі лекцыямі запланаваныя ва ўсіх абласных гарадах.

Мы хочам каб творы закатаваных пісьменнікаў ведалі, а іх твары пазнавалі. Перакананы, што каб дасягнуць такой мэты, варта працаваць на ўсіх узроўнях успрыняцця і рабіць гэта густоўна, прыгожа і па-сучаснаму.

Сяргей Будкін

Пры паспяховай рэалізацыі задумы з кніжным выданнем у межах праекту «(Не)расстраляныя» аўтары плануюць зрабіць тэатральную пастаноўку паводле аднаго з твораў беларускай літаратуры 1930-х^[2]^[3]^[4].

Зноскі

↑ Горбаш, Леша; Кашликов, Антон; palasatka. Вспомнить все: таймлайн беларусской музыки 2010–2019 (руск.). 34mag (26 снежня 2019). Архівавана з першакрыніцы 30 снежня 2019. Праверана 30 снежня 2019.
↑ "Прэзентацыя праекта "(Не)растраляныя" ў Гродне". Hrodna.life. Архівавана з арыгінала 27 красавіка 2019. Праверана 2019-04-27.
↑ "(Не)расстраляная гісторыя". Лятучы ўніверсітэт. 30 кастрычніка 2017. Архівавана з арыгінала 27 красавіка 2019. Праверана 2019-04-27.
↑ "У 1937 годзе беларусаў хацелі ператварыць у біямасу: Статкевіч заклікае ўшанаваць памяць ахвяраў камунізму". Belsat. 2017.10.24 23:00. Праверана 2019-04-27. {{cite news}}: Праверце значэнне даты ў: |date= (даведка)

Спасылкі

На Вікісховішчы пакуль няма медыяфайлаў па тэме, але Вы можаце загрузіць іх
(Не)расстраляныя ў сацыяльнай сетцы «Instagram»

[1] Горбаш, Леша; Кашликов, Антон; palasatka. Вспомнить все: таймлайн беларусской музыки 2010–2019 (руск.). 34mag (26 снежня 2019). Архівавана з першакрыніцы 30 снежня 2019. Праверана 30 снежня 2019.

[hrodna-2] "Прэзентацыя праекта "(Не)растраляныя" ў Гродне". Hrodna.life. Архівавана з арыгінала 27 красавіка 2019. Праверана 2019-04-27.

[fly-uni-3] "(Не)расстраляная гісторыя". Лятучы ўніверсітэт. 30 кастрычніка 2017. Архівавана з арыгінала 27 красавіка 2019. Праверана 2019-04-27.

[belsat-4] "У 1937 годзе беларусаў хацелі ператварыць у біямасу: Статкевіч заклікае ўшанаваць памяць ахвяраў камунізму". Belsat. 2017.10.24 23:00. Праверана 2019-04-27. {{cite news}}: Праверце значэнне даты ў: |date= (даведка)

[1]

[2]

[3]

[4]