Землетрасенне на Тайвані (2024)
![](http://upload.wikimedia.org/wikipedia/commons/thumb/3/35/04.03_%E5%89%AF%E7%B8%BD%E7%B5%B1%E5%89%8D%E5%BE%80%E8%8A%B1%E8%93%AE%E7%9E%AD%E8%A7%A3%E7%81%BD%E5%AE%B3%E6%83%85%E5%BD%A2%E5%8F%8A%E6%95%91%E6%8F%B4%E9%80%B2%E5%BA%A6_-_53629407644.jpg/220px-04.03_%E5%89%AF%E7%B8%BD%E7%B5%B1%E5%89%8D%E5%BE%80%E8%8A%B1%E8%93%AE%E7%9E%AD%E8%A7%A3%E7%81%BD%E5%AE%B3%E6%83%85%E5%BD%A2%E5%8F%8A%E6%95%91%E6%8F%B4%E9%80%B2%E5%BA%A6_-_53629407644.jpg)
3 красавіка 2024 года на Тайвані здарыўся землятрус, наймацнейшы за апошнія 25 гадоў. Першыя штуршкі зафіксаваны а 07:58 па мясцовым часе. Землятрус складаўся з серыі штуршкоў, магнітуда мацнейшага з іх дасягала 7,7. Эпіцэнтр знаходзіўся на глыбіні 1,5 км у моры каля ўсходняга ўзбярэжжа вострава, паблізу горада Хуалянь.
Штуршкі адчуваліся на ўсім востраве Тайвань. Следам за асноўным штуршком праз чвэрць гадзіны здарыліся штуршкі магнітудай 6,6 і 6,3, таксама было зафіксавана да 60 афтэршокаў магнітудай ад 4,1. Сур’ёзней за ўсіх пацярпеў горад Хуалянь, дзе абрынулася некалькі будынкаў. Загінула 7 чалавек, 736 чалавек было паранена. Як мінімум 77 чалавек былі заблакаваны ў пашкоджаных будынках. Без электраэнергіі засталіся больш за 87 тысяч хатніх гаспадарак. Для выратавальных аперацыях задзейнічалі армію.
Землятрус таксама адчуваўся ў правінцыях Фуцзянь і Цзянсі КНР, на поўдні кантынентальнага Кітая спынілі рух цягнікоў. У японскай прэфектуры Акінава, на ўзбярэжжы Кітая і Філіпін абвясцілі пагрозу цунамі.
Найбуйнейшы ў свеце вытворца паўправаднікоў TSMC ацаніў страты кампаніі ў $ 60 млн[1].
Заўвагі
- ↑ TSMC оценила убыток от землетрясения на Тайване в $60 млн . Коммерсантъ. Праверана 3 красавіка 2024.
Спасылкі
- Что известно о землетрясении на Тайване . ТАСС. Праверана 3 красавіка 2024.