Сатанінскі грыб

Сатанінскі грыб
Сатанінскі грыб (Boletus satanas)
Навуковая класіфікацыя
прамежныя рангі Дамен:  Эўкарыёты Царства:  Грыбы Падцарства:  Вышэйшыя грыбы Аддзел:  Базідыяльныя грыбы Пададдзел:  Agaricomycotina Клас:  Агарыкаміцэты Падклас:  Agaricomycetidae Парадак:  Балетавыя Сямейства:  Балетавыя Род:  Баравік Від:  Сатанінскі грыб
Міжнародная навуковая назва
Boletus satanas Lenz 1831
Сістэматыка на Віківідах Выявы на Вікісховішчы NCBI   5370 EOL   163492 MB   232959

Сатанінскі грыб (Boletus satanas) — ядавіты грыб з роду Баравік (Boletus) сямейства Балетавыя (Boletaceae). Неядомы.

Пашыраны ў Заходняй Еўропе, Паўночнай Амерыцы, на Каўказе. Трапляецца ў лісцевых лясах у ліпені—верасні. Утварае мікарызу з дубам, букам, грабам.

Апісанне

Пладовае цела грыба — шапка на ножцы. Шапка дыяметрам 8—20 см (да 30 см) і таўшчынёй да 5 см. Зверху шапака бугрыстая, светла-шэрага, белаватага, аліўкава-шэрага колеру. Трубчасты слой складаецца з доўгіх, амаль свабодных трубачак, жоўта-аліўкавага колеру, з дробнымі цёмна-чырвонымі порамі. Ножка даўжынёй 6—8 см і таўшчынёй да 6 см, звужаная ўнізе і ўздутая ў сярэдняй частцы. На паверхні ножкі сеткавы малюнак цёмна-чырвонага колеру. Ніжняя частка ножкі чырвоная. Мякаць грыба белая, з пахам сырой бульбы, салодкая на смак. На зломе сінее або чырванее.

Літаратура

• Сатанінскі грыб // Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн. : БелЭн, 2002. — Т. 14. — С. 192. — 10 000 экз. — ISBN 985-11-0035-8. — ISBN 985-11-0238-5 (т. 14).
• Сатанинский гриб // Лесная энциклопедия: В 2-х т. / Ред. кол.: Г. И. Воробьёв (гл. ред.) и др.. — М.: Сов. энциклопедия, 1986. — Т. 2: Лимонник — Ящерицы. — С. 338—339. — 631 с. — 100 900 экз. (руск.)

Спасылкі

• Сатанинский гриб (руск.) — артыкул з Вялікай савецкай энцыклапедыі
• Сатанинский гриб Архівавана 10 мая 2012. // Научно-образовательный портал «Вся Биология» (руск.)